| 1 | Marth {0} silvestris calidus est, et mansuetos mores habet, et ideo plurimi simul habitant, velut communem vitam habeant. Sed malum sudorem in carne sua habet qui carnem eius homini ad comedendum contrariam facit, et idem sudor in carne remanet et pellem eius non pertransit {1}, et ideo pellis illa bona et sana est ad vestes homini. |
| 2 | Et si quispiam homo orfime in corpore suo habet, silvestrem marth excoriet et sagimen, quod in eo est, in patella dissolvat, et capite et visceribus eius abiectis, reliquum corpus in modica aqua coquat, et sagimen, quod tunc ab illo haberi potest, priori sagimini addat, et etiam sagimen de vitellis ovorum minori pondere huic sagimini addat, et commisceat, et sic unguentum faciat, et orfime, antequam rumpantur, cum eo perungat, et evanescent, vel si ruptae fuerint, in circuitu eas perungat, et sanabuntur {0}. |