| 1 | Widdervalo calidus est ac instabilis, et tristem naturam habet. Et homo qui gelsucht habet, aviculam istam mortuam cum pennis illius super stomachum suum liget, et gelsucht in ipsam transibit, et ille curabitur. Vel homo qui gelsucht habet eamdem avem in pulverem redigat, et pulverem istum in baumoleo modice intinguat, et sic eum per tres aut per duos dies super stomachum suum liget, et curabitur. |
| 2 | Et qui in aure sua surdus est, cor eius in ipsam aurem ponat, ut eadem auris de corde illo interius incalescat, et auditum recipiet. Sed et qui nazeboz habet, iecor eius pulverizet, et ipsum pulverem naribus suis apponat, et odorem eius per nares suas introrsum trahat, et mali humores capitis sui suavius solventur et levius effluent, et ille tanto citius curabitur. |