| 1 | Rulheubt magis de frigido quam de calido aere est, et diem diligit, et in medietate et in summitate aquarum versatur, et mundis ac immundis pascuis vescitur, et quidquid in pascuis eius inmundum est, in caput illius ascendit, et in cerebrum crescit, et ideo caput eius nocivum est et immundum cum stomacho ipsius, et reliquum in corpore eius de mundo cibo crescit et comedi potest. |
| 2 | Et cum leychet, in cavernulam transit, et ibi rogim hac et illac emittit, et masculus quamdam humiditatem, et non lac, desuper fundit, et humiditas illa tam fortis est quod grana illa per eam coagulantur. Et postquam haec semina sua effuderint, statim recedunt. |