| 1 | Pruma [Mirica ed.] valde calida est. Et qui leprosus est Prumam in manibus terat, et succum exprimat, et succo illo ubi leprosus est saepe liniat, et lepram mitigat, et leviorem reddit, id est seuffut. Sed et flores eius in butyro vaccarum coquat, et sic unguentum faciat, et saepe cum illo se ungat, et lepra minorabitur. |
| 2 | Sed et cui oculi caligant et infirmantur flores Prymen (sic) tam diu inspiciat. usque dum ipsi oculi sui madidi fiant, scilicet weszern, et tunc etiam ipsos flores super oculos suos ponat, et ita obdormiat, et hoc saepe faciat, et oculos clarificat, et si sani sunt, bonum et sanum est, vel infirmi sunt, bonum et utile est, et sani erunt . |