| 1 | Mirtelbaum plus calida est quam frigida. Et si in homine orfimae exsurgant, antequam dirumpantur, folia eius in aqua coque, et ita calida saepe superpone, et evanescent. Quod si orfimas dirumpere voluerint, de ligno eiusdem arboris ad ignem calefac, et ita calidum in modum crucis eis saepe superpone, et evanescent. |
| 2 | Sed si orfimae disruptae fuerint, ramusculos et folia eius pulveriza, et ipsum pulverem eis saepe superpone, et exsiccabuntur . Et si quis cerviseam parare voluerit, folia et fructus ipsius arboris cum cervisea coquat, et sana erit, et bibentem non laedit. |