| 1 | Spinelbaum magis frigida est quam calida, et largitatem signat, et quamdam felicitatem in natura sua habet . Et homo, qui hydropicum morbum habet, corticem eiusdem arboris abiiciat et lignum eius, quod interius est, in igne incendat, et inde cineres faciat, nullis aliis cineribus additis, et easdem cineres in pannum ligatas in purum et bonum vinum pone, scilicet a mane usque ad mediam diem, et sic saepe ieiunus bibat, et morbum illum in eo swaendet [consumit ed.]. Sed qui in splene dolet, de fructu qui in eadem arbore crescit, in puro vino coquat, et per pannum colet, et pransus saepe bibat, et splen eius sanabitur. |