Hildegardis Abbatissa, Divina Opera, 10, XXXII. De signis vel portentis et tempestatibus quas per magicas artes facturus est, et quomodo mori et resurgere se simulans quamdam scripturam fallacia diaboli inventa in frontibus sequentium se describi faciet, qua decepti ulterius ab eo divelli et separari non poterunt.
Hildegardis Abbatissa, Divina Opera, 10, XXXII. De signis vel portentis et tempestatibus quas per magicas artes facturus est, et quomodo mori et resurgere se simulans quamdam scripturam fallacia diaboli inventa in frontibus sequentium se describi faciet, qua decepti ulterius ab eo divelli et separari non poterunt.
| 1 | Et sic infidelitas eorum ad praefatum aureum caput leopardi in praedicta catena monilis apparens descendit, quod Antichristum designat, qui se Deum velut aureum caput nominans, per diabolicas artes et per suscitationem elementorum horrenda portenta maximasque tempestates faciet, quod Deus ita fieri permittet, quatenus omne genus humanum casum illius cognoscat. |
| 1 | Et sic infidelitas eorum ad praefatum aureum caput leopardi in praedicta catena monilis apparens descendit, quod Antichristum designat, qui se Deum velut aureum caput nominans, per diabolicas artes et per suscitationem elementorum horrenda portenta maximasque tempestates faciet, quod Deus ita fieri permittet, quatenus omne genus humanum casum illius cognoscat. |
| 2 | Nam et ideo quasi pro redemptione populi sui per occisionem se mori et per resuscitationem se resurgere simulabit, quamdamque scripturam in frontibus sequentium se scribi faciet, per quam omne malum eis immittet, ut etiam antiquus serpens hominem decipiens, eum quoque in captione sua postmodum habens, libidine incendit, atque per eamdem scripturam contra baptismum, et contra Christianum nomen magica arte eos ita infundet, ut ab illo discedere non cupiant, et ut secundum ipsum quemadmodum Christiani secundum Christum omnes vocentur. |
| 2 | Nam et ideo quasi pro redemptione populi sui per occisionem se mori et per resuscitationem se resurgere simulabit, quamdamque scripturam in frontibus sequentium se scribi faciet, per quam omne malum eis immittet, ut etiam antiquus serpens hominem decipiens, eum quoque in captione sua postmodum habens, libidine incendit, atque per eamdem scripturam contra baptismum, et contra Christianum nomen magica arte eos ita infundet, ut ab illo discedere non cupiant, et ut secundum ipsum quemadmodum Christiani secundum Christum omnes vocentur. |
| 3 | Hanc scripturam Lucifer in se diu habuit, nec eam ulli hominum revelavit, excepto huic soli, quem in utero matris suae totum possidebit. |
| 3 | Hanc scripturam Lucifer in se diu habuit, nec eam ulli hominum revelavit, excepto huic soli, quem in utero matris suae totum possidebit. |
| 4 | Quapropter etiam omnem voluntatem suam se confidit per illum posse perficere. |
| 4 | Quapropter etiam omnem voluntatem suam se confidit per illum posse perficere. |
| 5 | Sed idem perditus homo animam, et quod vivit non a diabolo sed a Deo habebit, cum et ipse infelicissimus inquisitor antiquae seductionis, qui omnia bona odit, vivere suum a Deo acceperit. |
| 5 | Sed idem perditus homo animam, et quod vivit non a diabolo sed a Deo habebit, cum et ipse infelicissimus inquisitor antiquae seductionis, qui omnia bona odit, vivere suum a Deo acceperit. |
| 6 | Nam Deus solus vita est, omnisque anhelitus, et omne quod vivit per illum movetur, quoniam ipse solus initium sine initio est. |
| 6 | Nam Deus solus vita est, omnisque anhelitus, et omne quod vivit per illum movetur, quoniam ipse solus initium sine initio est. |
| 7 | Et sicut Lucifer in coelo contra Deum pugnavit, ita etiam per hunc perditum hominem in terra adversus humanitatem Filii Dei certare tentabit. |
| 7 | Et sicut Lucifer in coelo contra Deum pugnavit, ita etiam per hunc perditum hominem in terra adversus humanitatem Filii Dei certare tentabit. |
| 8 | Et hoc per scripturam hanc faciet, qua Deum et Creatorem omnium negabit, se maiorem illustrationem donorum suis conferre confidens, quam Christus Filius Dei in se credentibus contulerit. |
| 8 | Et hoc per scripturam hanc faciet, qua Deum et Creatorem omnium negabit, se maiorem illustrationem donorum suis conferre confidens, quam Christus Filius Dei in se credentibus contulerit. |
| 9 | Scriptura autem haec in nulla lingua prius visa aut inventa est, quia Lucifer eam in semetipso primum invenit, illamque eo dolo proferet, quo homines seducit ne Creatorem suum cognoscant; atque per ipsam infideles hoc modo deludet, ut nequaquam aliud colere, quam quod illi videbunt placere, studeant. |
| 9 | Scriptura autem haec in nulla lingua prius visa aut inventa est, quia Lucifer eam in semetipso primum invenit, illamque eo dolo proferet, quo homines seducit ne Creatorem suum cognoscant; atque per ipsam infideles hoc modo deludet, ut nequaquam aliud colere, quam quod illi videbunt placere, studeant. |
| 10 | Dicet enim idem filius perditionis quod sicut lignum abscissum deponitur, quousque pictor illud componat et ornet, ut ab omnibus veneretur, ita quoque homo natus honore careat, quousque scriptura ista extollatur, quoniam maior salus et virtus in ipsa sit quam in creatione hominis fuerit. |
| 10 | Dicet enim idem filius perditionis quod sicut lignum abscissum deponitur, quousque pictor illud componat et ornet, ut ab omnibus veneretur, ita quoque homo natus honore careat, quousque scriptura ista extollatur, quoniam maior salus et virtus in ipsa sit quam in creatione hominis fuerit. |
| 11 | Sed Deus omnes conatus eiusdem scripturae cum auctore suo destruet; scriptura autem quam Spiritus sanctus dedit non pertransibit. |
| 11 | Sed Deus omnes conatus eiusdem scripturae cum auctore suo destruet; scriptura autem quam Spiritus sanctus dedit non pertransibit. |
| 12 | Cumque his falsis signis ex omni genere hominum ad se colligere incoeperit, sancti et iusti in timore magno concutientur. |
| 12 | Cumque his falsis signis ex omni genere hominum ad se colligere incoeperit, sancti et iusti in timore magno concutientur. |