Hildegardis Abbatissa, Divina Opera, 10, XXX. Quod antiquus hostis, qui primum hominem seducendo devicit, et per hominem Christum revictus per alium hominem iterum se putans posse vincere Antichristum iusto Dei permissione tota malignitate sua infundet, ut ad impugnandam fidem catholicam et doctrinam Christi destruendam innitatur.
Hildegardis Abbatissa, Divina Opera, 10, XXX. Quod antiquus hostis, qui primum hominem seducendo devicit, et per hominem Christum revictus per alium hominem iterum se putans posse vincere Antichristum iusto Dei permissione tota malignitate sua infundet, ut ad impugnandam fidem catholicam et doctrinam Christi destruendam innitatur.
| 1 | Antiquus enim hostis, quem fortitudo divinitatis in lacum abyssi proiecit, quemadmodum in vehementes aquas plumbum decidit, quoniam iniquitatem constituere voluit, cum Deus iustus et verax sit, et nullum sibi similem habeat, quia per se ipsum aeternaliter subsistens cuncta ex nihilo fecit, quoniam hominem primum superaverat, per alium hominem scilicet Antichristum aestimat se posse perficere quod olim incoeperat, cum adversus Deum pugnare tentavit. |
| 1 | Antiquus enim hostis, quem fortitudo divinitatis in lacum abyssi proiecit, quemadmodum in vehementes aquas plumbum decidit, quoniam iniquitatem constituere voluit, cum Deus iustus et verax sit, et nullum sibi similem habeat, quia per se ipsum aeternaliter subsistens cuncta ex nihilo fecit, quoniam hominem primum superaverat, per alium hominem scilicet Antichristum aestimat se posse perficere quod olim incoeperat, cum adversus Deum pugnare tentavit. |
| 2 | A diabolo quippe Antichristus infusus cum os suum ad perversam doctrinam ut praedictum est aperuerit, omnia quae Deus in antiqua, et in nova lege constituerat destruet, incestumque et alia similia non esse peccata affirmabit. |
| 2 | A diabolo quippe Antichristus infusus cum os suum ad perversam doctrinam ut praedictum est aperuerit, omnia quae Deus in antiqua, et in nova lege constituerat destruet, incestumque et alia similia non esse peccata affirmabit. |
| 3 | Dicet enim quia peccatum non sit, si caro carnem calefaciat, sicut nec hoc si homo ab igne calefiat, affirmans etiam quod omnia castitatis praecepta per ignorantiam facta sint, quoniam cum homo alter calidus, alter frigidus sit, calore et frigore oporteat eos invicem temperari. |
| 3 | Dicet enim quia peccatum non sit, si caro carnem calefaciat, sicut nec hoc si homo ab igne calefiat, affirmans etiam quod omnia castitatis praecepta per ignorantiam facta sint, quoniam cum homo alter calidus, alter frigidus sit, calore et frigore oporteat eos invicem temperari. |
| 4 | Et iterum ad fideles dicet: 'Vestra lex continentiae contra modum naturae constituta est, scilicet quod homo calidus esse non debeat, in cuius spiramine ignis est, qui totum corpus hominis incendit. |
| 4 | Et iterum ad fideles dicet: 'Vestra lex continentiae contra modum naturae constituta est, scilicet quod homo calidus esse non debeat, in cuius spiramine ignis est, qui totum corpus hominis incendit. |
| 5 | Et quomodo iste contra naturam suam frigidus esse possit? |
| 5 | Et quomodo iste contra naturam suam frigidus esse possit? |
| 6 | Sed qua ratione homo omitteret, quin carnem aliam calefaceret? |
| 6 | Sed qua ratione homo omitteret, quin carnem aliam calefaceret? |
| 7 | Homo enim ille, quem magistrum vestrum esse dicitis, legem quae supra modum est vobis dedit, quia sic videre vos iussit. |
| 7 | Homo enim ille, quem magistrum vestrum esse dicitis, legem quae supra modum est vobis dedit, quia sic videre vos iussit. |
| 8 | Ego autem dico: Vos in his duobus modis videlicet caloris et frigoris estote, atque in invicem vos fovete, et praedictum hominem iniusta praecepta vobis dedisse considerate, quoniam quamvis iuberet ne homines se mutuo foverent, ipsi tamen naturam suam carnaliter coluerunt. |
| 8 | Ego autem dico: Vos in his duobus modis videlicet caloris et frigoris estote, atque in invicem vos fovete, et praedictum hominem iniusta praecepta vobis dedisse considerate, quoniam quamvis iuberet ne homines se mutuo foverent, ipsi tamen naturam suam carnaliter coluerunt. |
| 9 | Videte ergo ne iniusta doctrina amodo seducamini, quoniam in me est quid facere possitis vel non, nec magister vester rectas propositiones vobis proposuit, qui vos esse voluit sicut spiritum qui carne coopertus non est, et qui non operatur, cum nata caro hominum sic creata non sit, quae per ignem infunditur et formatur, quia si filii non crearentur, possibilitatem operandi non haberent. Unde et vos quid sitis scitote. Nam ille qui vos primum docuit vos decepit, et in nullo vos adiuvit: ego autem vobis infundo, ut vosmetipsos cognoscatis, et ut quid sitis sciatis quoniam creavi vos, et totus in omnibus sum; ille vero omnia opera sua alii assignans a se ipso nihil loquebatur, quoniam de se nihil potuit; sed ego a meipso loquor, atque per me ipsum omnia possum. |
| 9 | Videte ergo ne iniusta doctrina amodo seducamini, quoniam in me est quid facere possitis vel non, nec magister vester rectas propositiones vobis proposuit, qui vos esse voluit sicut spiritum qui carne coopertus non est, et qui non operatur, cum nata caro hominum sic creata non sit, quae per ignem infunditur et formatur, quia si filii non crearentur, possibilitatem operandi non haberent. Unde et vos quid sitis scitote. Nam ille qui vos primum docuit vos decepit, et in nullo vos adiuvit: ego autem vobis infundo, ut vosmetipsos cognoscatis, et ut quid sitis sciatis quoniam creavi vos, et totus in omnibus sum; ille vero omnia opera sua alii assignans a se ipso nihil loquebatur, quoniam de se nihil potuit; sed ego a meipso loquor, atque per me ipsum omnia possum. |
| 10 | ' Hic verbis et aliis similibus iste infelix filius perditionis homines seducet, docens eos ut secundum igneum carnis gustum vivant, et omnem voluntatem carnis suae perficiant, cum tam vetus quam nova lex homines ad castitatem invitent, ita scilicet ne castitas modum suum transcendat. |
| 10 | ' Hic verbis et aliis similibus iste infelix filius perditionis homines seducet, docens eos ut secundum igneum carnis gustum vivant, et omnem voluntatem carnis suae perficiant, cum tam vetus quam nova lex homines ad castitatem invitent, ita scilicet ne castitas modum suum transcendat. |
| 11 | Et hoc modo Lucifer per illum iustitiam Dei abnegabit, atque omne quod facere incoeperit, per ipsum se posse perficere putans, Iordanem in os suum fluere aestimabit ita ut baptismus deinceps non nominetur, sed illum retrorsum abiiciat, quemadmodum ipse per baptismum abiectus est. |
| 11 | Et hoc modo Lucifer per illum iustitiam Dei abnegabit, atque omne quod facere incoeperit, per ipsum se posse perficere putans, Iordanem in os suum fluere aestimabit ita ut baptismus deinceps non nominetur, sed illum retrorsum abiiciat, quemadmodum ipse per baptismum abiectus est. |
| 12 | Unde sic dominando tantum numerum populi sibi subiugare putabit, ut Filius Dei parvum numerum fidelium ad comparationem numeri sui habeat. |
| 12 | Unde sic dominando tantum numerum populi sibi subiugare putabit, ut Filius Dei parvum numerum fidelium ad comparationem numeri sui habeat. |