Hildegardis Abbatissa, Divina Opera, 10, XX. Quanti diversis gaudiis in Ecclesia propter recuperatum iustitiae statum, et temporalium rerum copia et spiritualium bonorum abundantia in diebus penultimus per aliquantum temporis perfruentur, ea Iudaeorum et haereticorum parte qui in malo perstiterunt de proximo Antichristi adventu perniciosa praesumptione exsultante.
Hildegardis Abbatissa, Divina Opera, 10, XX. Quanti diversis gaudiis in Ecclesia propter recuperatum iustitiae statum, et temporalium rerum copia et spiritualium bonorum abundantia in diebus penultimus per aliquantum temporis perfruentur, ea Iudaeorum et haereticorum parte qui in malo perstiterunt de proximo Antichristi adventu perniciosa praesumptione exsultante.
| 1 | In diebus itaque supradictis suavissimae nubes cum suavissimo aere terram tangent, illamque viriditatem fructuositatis exsudare facient, quia homines ad omnem iustitiam tunc praeparabunt, quemadmodum in praefato tempore femineae debilitatis fructuositas terrae defecit, quoniam elementa peccatis hominum violata, in omnibus officiis suis destituta tunc fuerunt. |
| 1 | In diebus itaque supradictis suavissimae nubes cum suavissimo aere terram tangent, illamque viriditatem fructuositatis exsudare facient, quia homines ad omnem iustitiam tunc praeparabunt, quemadmodum in praefato tempore femineae debilitatis fructuositas terrae defecit, quoniam elementa peccatis hominum violata, in omnibus officiis suis destituta tunc fuerunt. |
| 2 | Principes quoque cum reliquo populo iustitiam Dei recte ordinabunt, omniaque arma, quae ad necem hominum parata erant, interdicent, illa tantum ferramenta conservantes quibus terra colitur, et quae ad necessitatem usus hominum respiciunt; et si quis haec transgredietur, ferro proprio necabitur, atque in desertum locum abiicietur. |
| 2 | Principes quoque cum reliquo populo iustitiam Dei recte ordinabunt, omniaque arma, quae ad necem hominum parata erant, interdicent, illa tantum ferramenta conservantes quibus terra colitur, et quae ad necessitatem usus hominum respiciunt; et si quis haec transgredietur, ferro proprio necabitur, atque in desertum locum abiicietur. |
| 3 | Et ut nubes suavem et rectam pluviam ad fructum iusti germinis tunc emittent, sic et Spiritus sanctus rorem gratiae suae cum prophetia, sapientia et sanctitate in populum fundet, ita ut ille tunc appareat quasi in alium modum bonae conversationis mutatus sit. |
| 3 | Et ut nubes suavem et rectam pluviam ad fructum iusti germinis tunc emittent, sic et Spiritus sanctus rorem gratiae suae cum prophetia, sapientia et sanctitate in populum fundet, ita ut ille tunc appareat quasi in alium modum bonae conversationis mutatus sit. |
| 4 | Vetus namque lex umbra spiritalis vitae fuit, quoniam illa tota per creaturam signata erat, velut in hieme omnis fructus in terra absconditus nequaquam cernitur, quia nondum formatus est, nec eadem lex aestatem habebat, quoniam Filius Dei nondum incarnatus apparuerat; sed ipso veniente illa tota in spiritalem significationem mutata fructus aeternae vitae in praeceptis Evangelii ostendit, quemadmodum etiam aestas flores et fructus producit. |
| 4 | Vetus namque lex umbra spiritalis vitae fuit, quoniam illa tota per creaturam signata erat, velut in hieme omnis fructus in terra absconditus nequaquam cernitur, quia nondum formatus est, nec eadem lex aestatem habebat, quoniam Filius Dei nondum incarnatus apparuerat; sed ipso veniente illa tota in spiritalem significationem mutata fructus aeternae vitae in praeceptis Evangelii ostendit, quemadmodum etiam aestas flores et fructus producit. |
| 5 | In diebus etenim illis vera aestas per virtutem Dei erit, quia tunc omnia in veritate consistent, sacerdotes scilicet et monachi, virgines quoque et continentes et reliqui ordines in rectitudine sua stabunt, iuste et bene viventes, omnemque sublimitatem et superfluitatem divitiarum abiicientes, quoniam sicut per temperiem nubium et aeris necessaria utilitas fructuum tunc producetur, ita et germen spiritalis vitae per gratiam Dei tunc propalabitur. |
| 5 | In diebus etenim illis vera aestas per virtutem Dei erit, quia tunc omnia in veritate consistent, sacerdotes scilicet et monachi, virgines quoque et continentes et reliqui ordines in rectitudine sua stabunt, iuste et bene viventes, omnemque sublimitatem et superfluitatem divitiarum abiicientes, quoniam sicut per temperiem nubium et aeris necessaria utilitas fructuum tunc producetur, ita et germen spiritalis vitae per gratiam Dei tunc propalabitur. |
| 6 | Prophetia quippe, ut praefatum est, tunc aperta erit, sapientiaque iucunda et robusta, omnesque fideles in his velut in speculo considerabunt se, et tunc etiam veri angeli hominibus familiariter adhaerebunt, novam et sanctam conversationem in eis videntes, cum nunc propter fetentia peccata eorum ab ipsis saepius declinent. |
| 6 | Prophetia quippe, ut praefatum est, tunc aperta erit, sapientiaque iucunda et robusta, omnesque fideles in his velut in speculo considerabunt se, et tunc etiam veri angeli hominibus familiariter adhaerebunt, novam et sanctam conversationem in eis videntes, cum nunc propter fetentia peccata eorum ab ipsis saepius declinent. |
| 7 | Sed et tunc iusti gaudebunt ad terram repromissionis tendentes, ac spem aeterni praemii exspectantes; et tamen pleniter non laetabuntur, quia futurum iudicium adesse videbunt; et hoc in similitudine peregrinorum facient, qui ad patriam tendunt, plenum gaudium non habentium cum adhuc in peregrinatione sunt. |
| 7 | Sed et tunc iusti gaudebunt ad terram repromissionis tendentes, ac spem aeterni praemii exspectantes; et tamen pleniter non laetabuntur, quia futurum iudicium adesse videbunt; et hoc in similitudine peregrinorum facient, qui ad patriam tendunt, plenum gaudium non habentium cum adhuc in peregrinatione sunt. |
| 8 | Iudaei autem et haeretici tunc valde laetabuntur dicentes: 'Gloria nostra in proximo est, illique conculcabuntur, qui nos fatigaverunt et expulerunt. |
| 8 | Iudaei autem et haeretici tunc valde laetabuntur dicentes: 'Gloria nostra in proximo est, illique conculcabuntur, qui nos fatigaverunt et expulerunt. |
| 9 | ' Attamen quamplurimi paganorum Christianis se tunc adiungent copiam honoris et divitiarum eorum videntes; atque baptizati cum ipsis Christum praedicabunt, quemadmodum in tempore apostolorum factum est; Iudaeisque et haereticis dicent: 'Quod vos gloriam vestram dicitis, hoc mors aeterna erit, et quem vos principem vestrum nominatis, illius finem cum maximo horrore et periculo videbitis, atque tunc ad nos convertimini diem illum inspicientes, quem nobis stirps aurorae videlicet stellae maris Mariae ostendit. |
| 9 | ' Attamen quamplurimi paganorum Christianis se tunc adiungent copiam honoris et divitiarum eorum videntes; atque baptizati cum ipsis Christum praedicabunt, quemadmodum in tempore apostolorum factum est; Iudaeisque et haereticis dicent: 'Quod vos gloriam vestram dicitis, hoc mors aeterna erit, et quem vos principem vestrum nominatis, illius finem cum maximo horrore et periculo videbitis, atque tunc ad nos convertimini diem illum inspicientes, quem nobis stirps aurorae videlicet stellae maris Mariae ostendit. |
| 10 | ' Dies utique illi fortes et laudabiles in pace et stabilitate erunt, similesque armatis militibus qui in rupe iacentes hostibus suis insidiantur, et quos ad internecionem persequuntur, adventumque novissimi diei annuntiabunt, quia quidquid prophetae boni seu gratiae praedixerant, in ipsis complebitur. |
| 10 | ' Dies utique illi fortes et laudabiles in pace et stabilitate erunt, similesque armatis militibus qui in rupe iacentes hostibus suis insidiantur, et quos ad internecionem persequuntur, adventumque novissimi diei annuntiabunt, quia quidquid prophetae boni seu gratiae praedixerant, in ipsis complebitur. |
| 11 | Sapientia quoque, religiositas et sanctitas in eis confirmabitur, quoniam si Filius Dei a prophetis praedictus non fuisset, et velut in ictu oculi venisset, cito oblivioni traderetur, sicut et perditus homo qui quasi latenter veniens, citissime destruetur. |
| 11 | Sapientia quoque, religiositas et sanctitas in eis confirmabitur, quoniam si Filius Dei a prophetis praedictus non fuisset, et velut in ictu oculi venisset, cito oblivioni traderetur, sicut et perditus homo qui quasi latenter veniens, citissime destruetur. |