monumenta.ch > Hildegardis Abbatissa > 2 > 119 > 104 > 157 > 107 > 29
Hildegardis Abbatissa, Divina Opera, 5, XXVIII. Testimonium Evangelii, in quo Sponsus fatuis virginibus dicit: 'Nescio vos,' et ad quid hic assumptum et quo sensu accipiendum sit. <<<     >>> XXX. Quomodo quod scriptum est, 'Congregentur aquae' usque ad id 'factum est vespere et mane dies tertius' secundum litteram competenter intelligendum sit.

Hildegardis Abbatissa, Divina Opera, 5, XXIX. Quare etiam iuxta moralitatem opus secundi dici, cum bonum sit, laude bonitatis careat.

1

Quod autem hic dictum non est, 'et vidit Deus quod esset bonum [Gen. I],' hoc est quod discretio officium aliarum virtutum est, non operando, sed caeteris virtutibus ministrando, ut etiam firmamentum, quod sustentaculum illorum est per quae volvitur, alias operantes creaturas ipsis obsequium existendo continet, quae propter servitium hominis operariae nominantur, quoniam per illud singula opera sua die ac nocte operantur.

2

Et ut etiam idem firmamentum unumquodque quod ei impositum est sustentans, illi locum dat, ita discretio per opus, ut caeterae virtutes quae ab opere operatrices nominatae sunt, operatrix non est, sed tantum aliarum virtutum sustentaculum.

Hildegardis Abbatissa HOME
hlw17.541