| 1 | Quod vero in summitate arcuatae incurvationis, sinistrae alae quasi facies hominis est, quae sicut fulgor stellarum radiat, hoc est quod in apice vincentis humiliationis, cum homo terrenas causas, velut in sinistra sibi adversantes, in humilitate conterit, et ad defensionem Creatoris sui se convertit, aspectum hominis habet, quia non secundum pecus, sed secundum quod humana natura eum docet, in honestate vivere incipit. |
| 2 | Unde etiam in his iustis operibus bonam intentionem cordis sui, ut eximium splendorem radiare ostendit. |