monumenta.ch > Hieronymus > PSALMUS LXX. > PSALMUS CXXXIV. > PSALMUS LXIV. > PSALMUS CXXX. > PSALMUS CXVI. > PSALMUS CXII. > PSALMUS XXV. > PSALMUS CII. > PSALMUS XCIX. > PSALMUS CXXXVI. > PSALMUS CXXIII.
Hieronymus, Liber Psalmorum 2, LIBER PSALMORUM IUXTA SEPTUAGINTA INTERPRETES AB HIERONYMO SEMEL ET ITERUM EMENDATUS Atque in hac editione Obelis et Asteriscis ab eodem illustratus., , PSALMUS CXXII. <<<     >>> PSALMUS CXXIV.

Hieronymus, Psalmorum 2, LIBER PSALMORUM IUXTA SEPTUAGINTA INTERPRETES..., PSALMUS CXXIII.

1	CANTICUM GRADUUM. Nisi <quia> Dominus erat in nobis, dicat nunc Israel? nisi <quia> Dominus erat in nobis.
2	Cum exsurgerent homines in nos: forte vivos deglutissent nos.
3	Cum irasceretur furor eorum in nos: forsitan aqua absorbuisset nos.
4	Torrentem pertransivit anima nostra: forsitan pertransisset anima nostra aquam intolerabilem.
5	Benedictus Dominus: qui non dedit nos in captionem dentibus eorum.
6	Anima nostra, sicut passer, erepta est de laqueo venantium.
7	Laqueus contritus est, et nos liberati sumus.
8	Adiutorium nostrum in nomine Domini: qui fecit coelum et terram.
9	CANTICUM GRADUUM. Nisi quod [Ms. quia] Dominus erat in nobis, dicat nunc [Ms. vero] Israel: nisi quia Dominus erat in nobis.
10	Dum insurgerent homines in nos: forsitan vivos deglutissent nos.
11	Dum irasceretur animus eorum adversus nos: forsitan velut aqua absorbuissent nos.
12	Torrentem pertransivit anima nostra: forsitan pertransisset anima nostra aquam intolerabilem.
13	Benedictus Dominus: qui non dedit nos in captionem dentibus eorum.
14	Anima nostra, sicut passer, erepta est de laqueo venantium.
15	Laqueus contritus est: et nos liberati sumus.
16	Adiutorium nostrum in nomine Domini: qui fecit coelum et terram.

Hieronymus HOME
bnf11947.518