monumenta.ch > Hieronymus > PSALMUS LXX. > PSALMUS CXXXIV. > PSALMUS LXIV. > PSALMUS CXXX. > PSALMUS CXVI. > PSALMUS CXII. > PSALMUS XXV. > PSALMUS CII. > PSALMUS XCIX. > PSALMUS CXXXVI. > PSALMUS CXXIII. > PSALMUS XXXIV. > PSALMUS X. > PSALMUS LXXXIII. > PSALMUS LXXVI. > PSALMUS LXXVIII. > 5 > PSALMUS XVII. > PSALMUS CV. > PSALMUS XCI. > 4 > PSALMUS XV. > PSALMUS II. > PSALMUS LXXXIV. > 3 > PSALMUS CXXVIII. > PSALMUS CXLIX. > PSALMUS CXXI. > PSALMUS XIV. > PSALMUS CXI. > PSALMUS CXLIV. > PSALMUS LXVI. > PSALMUS LIV. > PSALMUS LXII. > PSALMUS LXXIII. > PSALMUS XLIX. > in fine. > PSALMUS LXXXV. > PSALMUS CXIV. > PSALMUS XLVII. > PSALMUS CXXVII. > PSALMUS CXIII.
Hieronymus, Liber Psalmorum 2, LIBER PSALMORUM IUXTA SEPTUAGINTA INTERPRETES AB HIERONYMO SEMEL ET ITERUM EMENDATUS Atque in hac editione Obelis et Asteriscis ab eodem illustratus., , PSALMUS CXII. <<<     >>> PSALMUS CXIV.

Hieronymus, Psalmorum 2, LIBER PSALMORUM IUXTA SEPTUAGINTA INTERPRETES..., PSALMUS CXIII.

1	ALLELUIA. In exitu Israel de Aegypto, domus Iacob de populo barbaro.
2	Facta est Iudaea sanctificatio eius, Israel potestas eius.
3	Mare vidit, et fugit: Iordanis conversus est retrorsum.
4	Montes exsultaverunt ut arietes <et> colles sicut agni ovium.
5	Quid est + tibi> mare, quod fugisti? <et tu> Iordanis, quia conversus es retrorsum? Montes, exsultastis sicut arietes <et> colles sicut agni ovium? A facie Domini mota est terra, a facie Dei Iacob.
6	Qui convertit petram in stagna aquarum: <et> rupem in fontes aquarum.
7	Non nobis, Domine, non nobis: sed nomini tuo da gloriam.
8	Super misericordia tua et veritate tua: ne <quando> dicant gentes, Ubi est Deus eorum? Deus autem noster in coelo: omnia quaecumque voluit, fecit.
9	<DIAPSALMA> Simulacra gentium argentum et aurum, opera manuum hominum.
10	Os habent, et non loquentur: oculos habent, et non videbunt.
11	Aures habent, et non audient: nares habent, et non odorabunt.
12	Manus habent, et non palpabunt; pedes habent, et non ambulabunt: non clamabunt in gutture suo.
13	Similes illis fiant qui faciunt ea, <et> omnes qui confidunt in eis.
14	<Domus> Israel speravit in Domino: adiutor eorum et protector eorum est.
15	Domus Aaron speravit in Domino: adiutor eorum et protector eorum est.
16	Qui timent Dominum, speraverunt in Domino: adiutor eorum et protector eorum est.
17	Domus memor <fuit> nostri <et> benedixit <nobis> Benedixit domui Israel: benedixit domui Aaron.
18	Benedixit <omnibus> qui timent Dominum, pusillis cum maioribus.
19	Adiiciat Dominus super vos, + super vos> et super filios vestros.
20	Benedicti vos a Domino, qui fecit coelum et terram.
21	Coelum coeli Domino: terram autem dedit filiis hominum.
22	Non mortui laudabunt <te> Domine: neque omnes qui descendunt in infernum.
23	Sed nos <qui vivimus> benedicimus Domino, ex hoc nunc, et usque in saeculum.
24	ALLELUIA. In exitu Israel ex Aegypto, domus Iacob de populo barbaro.
25	Facta est Iudaea sanctificatio eius: Israel potestas eius, Israel regnavit in ea.
26	Mare vidit, et fugit: Iordanis conversus est retrorsum.
27	Montes exsultaverunt ut arietes, et colles velut agni ovium: Quid est, mare, quod fugisti? et tu, Iordanis, quare conversus es retrorsum? Montes, quare exsultastis ut arietes? et colles velut agni ovium? A facie Domini commota est terra, a facie Dei [Ms. Domini] Iacob.
28	Qui convertit solidam petram in stagnum aquae, et rupem in fontes aquarum.
29	Non nobis, Domine, non nobis, sed nomini tuo da gloriam.
30	Super misericordia tua et veritate tua: ne quando dicant gentes, Ubi est Deus eorum? Deus autem noster in coelo sursum: in coelo et in terra omnia quaecumque voluit, fecit.
31	DIAPSALMA. Simulacra gentium argentum et aurum, opera manuum hominum.
32	Os habent, et non loquentur: oculos habent, et non videbunt.
33	Aures habent, et non audient: nares habent, et non odorabunt.
34	Manus habent, et non palpabunt: pedes habent, et non ambulabunt.
35	Non clamabunt in gutture suo: neque enim est spiritus in ore ipsorum.
36	Similes illis fiant qui faciunt ea, et omnes qui confidunt in eis.
37	Domus Israel speravit in Domino [Ms. Dominum]: adiutor eorum et protector eorum est.
38	Domus Aaron speravit in Domino [Ms. Dominum]: adiutor eorum et protector eorum est.
39	Qui timent Dominum, sperent in Domino: adiutor eorum et protector eorum est.
40	Dominus memor fuit nostri, et benedixit nos: benedixit domum Israel, benedixit Domum Aaron, benedixit omnes timentes se Dominus, pusillos cum maioribus.
41	Adiiciat Dominus super vos, et super filios vestros.
42	Benedicti vos a Domino, qui fecit coelum, et terram.
43	Coelum coeli Domino: terram autem dedit filiis hominum.
44	Non mortui laudabunt te, Domine: neque omnes qui descendunt in infernum.
45	Sed nos, qui vivimus, benedicimus Dominum, ex hoc nunc, et usque in saeculum [Ms. saecula].

Hieronymus HOME


Hieronymus, Liber Psalmorum 2, LIBER PSALMORUM IUXTA SEPTUAGINTA INTERPRETES AB HIERONYMO SEMEL ET ITERUM EMENDATUS Atque in hac editione Obelis et Asteriscis ab eodem illustratus., , PSALMUS CXII. <<<     >>> PSALMUS CXIV.
monumenta.ch > Hieronymus > PSALMUS LXX. > PSALMUS CXXXIV. > PSALMUS LXIV. > PSALMUS CXXX. > PSALMUS CXVI. > PSALMUS CXII. > PSALMUS XXV. > PSALMUS CII. > PSALMUS XCIX. > PSALMUS CXXXVI. > PSALMUS CXXIII. > PSALMUS XXXIV. > PSALMUS X. > PSALMUS LXXXIII. > PSALMUS LXXVI. > PSALMUS LXXVIII. > 5 > PSALMUS XVII. > PSALMUS CV. > PSALMUS XCI. > 4 > PSALMUS XV. > PSALMUS II. > PSALMUS LXXXIV. > 3 > PSALMUS CXXVIII. > PSALMUS CXLIX. > PSALMUS CXXI. > PSALMUS XIV. > PSALMUS CXI. > PSALMUS CXLIV. > PSALMUS LXVI. > PSALMUS LIV. > PSALMUS LXII. > PSALMUS LXXIII. > PSALMUS XLIX. > in fine. > PSALMUS LXXXV. > PSALMUS CXIV. > PSALMUS XLVII. > PSALMUS CXXVII. > PSALMUS CXIII.