monumenta.ch > Hieronymus > Ibidem paulo post. > PSALMUS CVI. > PSALMUS LXXXIX. > PSALMUS XC. > 23. > 8 > PSALMUS XXXIII. > 2. > PSALMUS CXXIX. > PSALMUS XCVI. > PSALMUS CIII. > PSALMUS XXXV. > PSALMUS XL. > PSALMUS CXXXIX. > PSALMUS XCVIII. > 27. > 11. > PSALMUS XXX. > 2 > PSALMUS CXLI. > PSALMUS LXXXII. > PSALMUS CXXXIII. > 14. > PSALMUS XXIII. > PSALMUS CXLVII. > 20. > 4. > PSALMUS XCVII. > PSALMUS LX. > PSALMUS CXXXI. > 17. > PSALMUS XVIII. > PSALMUS CXLIII. > 32. > PSALMUS CXLVIII. > PSALMUS LII.
Hieronymus, Liber Psalmorum 2, LIBER PSALMORUM IUXTA SEPTUAGINTA INTERPRETES AB HIERONYMO SEMEL ET ITERUM EMENDATUS Atque in hac editione Obelis et Asteriscis ab eodem illustratus., , PSALMUS LI. <<<     >>> PSALMUS LIII.

Hieronymus, Psalmorum 2, LIBER PSALMORUM IUXTA SEPTUAGINTA INTERPRETES..., PSALMUS LII.

1 IN FINEM, PRO MELETH,, INTELLIGENTIAE DAVID. Dixit insipiens in corde suo: Non est Deus.
2 Corrupti sunt, et abominabiles facti sunt in iniquitatibus: non est qui faciat bonum.
3 Deus de coelo prospexit super filios hominum: ut videat si est intelligens, <aut> requirens Deum.
4 Omnes declinaverunt, simul inutiles facti sunt: non est qui faciat bonum, non est usque ad unum.
5 Nonne scient <omnes> qui operantur iniquitatem: qui devorant plebem meam, ut cibum panis? Deum non invocaverunt: illic trepidaverunt timore, ubi non erat timor.
6 Quoniam Deus dissipavit ossa eorum, qui hominibus placent: confusi sunt, quoniam Deus sprevit eos.
7 Quis dabit ex Sion salutare Israel? cum converterit Deus captivitatem plebis suae, exsultabit Iacob, <et> laetabitur Israel.
8 IN FINEM, PRO MELETH, INTELLECTUS DAVID. Dixit insipiens in corde suo: Non est Deus: corrupti sunt, et abominabiles facti sunt in voluntatibus suis.
9 Non est qui faciat bonum: non est usque ad unum.
10 Dominus [Ms. Deus] de coelo prospexit super filios hominum: ut videat si est intelligens, aut requirens Deum.
11 Omnes declinaverunt, simul inutiles facti sunt, non est qui faciat bonum, non est usque ad unum.
12 Nonne cognoscent [Ms. scient] omnes, qui operantur iniquitatem, qui devorant plebem meam sicut escam panis? Deum [Ms. Dominum] non invocaverunt: illic trepidaverunt timore, ubi non erat timor.
13 Quoniam Deus dissipavit ossa hominum sibi placentium: confusi sunt quoniam Deus sprevit eos.
14 Quis dabit ex Sion salutare Israel? dum avertet Dominus captivitatem plebis suae.
15 Exsultabit Iacob, et laetabitur Israel.
Hieronymus HOME