monumenta.ch > Hieronymus > PSALMUS CXXXVII. > PSALMUS CXL. > PSALMUS VIII. > PSALMUS LXIII. > PSALMUS CXVII. > PSALMUS CXLV. > 9 > PSALMUS XCIV. > PSALMUS LXXXVIII. > PSALMUS LV. > PSALMUS XCII. > PSALMUS CXXXVIII. > PSALMUS CXXV. > PSALMUS CI. > PSALMUS CXXVI. > PSALMUS XXIX. > PSALMUS XLII. > PSALMUS LXXVII. > PSALMUS CXXXV. > PSALMUS XXXVI. > PSALMUS LXXIX. > PSALMUS XLIV. > PSALMUS LIII. > PSALMUS LXVIII. > PSALMUS XIII. > PSALMUS LXV. > PSALMUS LVI. > PSALMUS CXV. > PSALMUS XVI. > PSALMUS III. > PSALMUS CXVIII. > PSALMUS C. > PSALMUS CVIII. > PSALMUS CXLVI. > PSALMUS XXXIX. > Ibidem paulo post. > PSALMUS LXXV. > PSALMUS XLVI. > PSALMUS XXVII. > PSALMUS CIX. > PSALMUS CVI. > PSALMUS LXXXIX. > PSALMUS XC. > 8 > PSALMUS XXXIII. > PSALMUS CXXIX. > PSALMUS XCVI. > PSALMUS XXXV.
Hieronymus, Liber Psalmorum 2, LIBER PSALMORUM IUXTA SEPTUAGINTA INTERPRETES AB HIERONYMO SEMEL ET ITERUM EMENDATUS Atque in hac editione Obelis et Asteriscis ab eodem illustratus., , PSALMUS XXXIV. <<<     >>> PSALMUS XXXVI.

Hieronymus, Psalmorum 2, LIBER PSALMORUM IUXTA SEPTUAGINTA INTERPRETES..., PSALMUS XXXV.

1	IN FINEM, SERVO DOMINI DAVID. Dixit iniustus, ut delinquat in semetipso: non est timor Dei ante oculos eius.
2	Quoniam dolose egit in conspectu eius: ut inveniatur iniquitas eius ad odium.
3	Verba oris eius iniquitas et dolus: noluit intelligere, ut bene ageret.
4	Iniquitatem meditatus est in cubili suo: astitit <omni> viae non bonae, malitiam <autem> non odivit.
5	Domine in coelo misericordia tua: <et> veritas tua usque ad nubes.
6	Iustitia tua sicut montes Dei: iudicia tua abyssus multa.
7	Homines et iumenta salvabis, Domine: quemadmodum multiplicasti misericordiam tuam, Deus! Filii autem hominum, in tegmine alarum tuarum sperabunt.
8	Inebriabuntur ab ubertate domus tuae: et torrente voluptatis tuae potabis eos.
9	Quoniam apud te est fons vitae: <et> in lumine tuo videbimus lumen.
10	Praetende misericordiam tuam scientibus te et iustitiam tuam his qui recto sunt corde.
11	Non veniat mihi pes superbiae: et manus peccatoris non moveat me.
12	Ibi ceciderunt qui operantur iniquitatem: expulsi sunt, nec potuerunt stare.
13	IN FINEM, SERVO DOMINI DAVID [Ms. IPSI DAVID] PSALMUS. Dixit iniustus, ut delinquat in semetipso: non est timor Dei ante oculos eius.
14	Quoniam dolose egit in conspectu eius: ut inveniret iniquitatem suam et odium.
15	Verba oris eius iniquitas et dolus, noluit intelligere, ut bene ageret: iniquitatem meditatus est in cubili suo.
16	Astitit omni viae non bonae: malitiam autem non odivit.
17	Domine, in coelo misericordia tua: et veritas tua usque ad nubes.
18	Iustitia tua sicut montes Dei: et iudicia tua abyssus multa.
19	Homines et iumenta salvos facies, Domine: quemadmodum multiplicasti misericordias tuas, Deus: Filii autem hominum in protectione alarum tuarum sperabunt: inebriabuntur ab ubertate domus tuae, et torrente voluptatis tuae potabis eos.
20	Quoniam apud te est fons vitae: et [Ms. tacet et] in lumine tuo videbimus lumen.
21	Praetende misericordiam tuam scientibus te: et iustitiam tuam his qui recto sunt corde.
22	Non veniat mihi pes superbiae: et manus peccatorum non moveat [Ms. moveant] me.
23	Ibi ceciderunt omnes qui operantur iniquitatem: expulsi sunt, nec potuerunt stare.

Hieronymus HOME