Hieronymus, Hebraicae Quaestiones in Genesim, 29

monumenta.ch > Hieronymus > 52 > 44 > 43 > 60 > 22 > 38 > 54 > 29 > 14 > 35 > 76 > 65 > 45 > 71 > 73 > 85 > 97 > 41 > 33 > 32 > 96 > 53 > 77 > 79 > 80 > 48 > 99 > 64 > 89 > 84 > 52 > 68 > 92 > 86 > 72 > 40 > 82 > 87 > 44 > 36 > 83 > 43 > 30 > 55 > 28 > 37 > 74 > 67 > 24 > 60 > 46 > 63 > 95 > 90 > 47 > 98 > 75 > 34 > 49 > 22 > 59 > 16 > 93 > 38 > 10 > 91 > 56 > 78 > 23 > 61 > 39 > 58 > 13 > 26 > 25 > 70 > 50 > 62 > 17 > 66 > 94 > 42 > 27 > 57 > 18 > 31 > 19 > 69 > 88 > 11 > Iudith > 54 > 21 > 15 > 81 > 51 > 14 > 20 > 7 > Esther > 1 > Pentateuch > Iosue > 2 > 127a > 117 > 127 > 107 > 12 > 125 > 3 > 7 > 4 > 5 > 8 > 9 > 6 > 1 > COMMENTARIUS. > 100 > 121 > 103 > 112 > 111 > 128 > Romanorum. > 110 > 105 > 101 > 113 > 131 > 129 > PRAEFATIO. > 122 > 108 > Tobias > 109 > 132 > 134 > 115 > 104 > 116 > 106 > 117 > 130 > 123 > 102 > 120 > 135 > 126 > 127 > 133 > 107 > 125 > 114 > 119 > 124 > 118 > INCIPIUNT CAPITULA LIBRI [ Al. tacet Libri]. > PROLOGUS. > Romanorum. > quam Damasus habito Romae concilio damnavit. > Romanorum. > Post quem sequenti die IOVIANUS ex primicerio domesticorum imperator factus est. > Romanorum. > Romanorum. > mensibus 5. > mensibus 8). > 1 > Romanorum. > Romanorum. > Romanorum. > Romanorum. > diebus 12. > Romanorum. > Romanorum. > Romanorum. > Romanorum. > 10 > 32 > 48 > 33 > 41 > 45 > 35 > 36 > 29
Hieronymus, Hebraicae Quaestiones in Genesim, XXVIII <<< >>> XXX

Hieronymus, Hebraicae Quaestiones in Genesim, CAPUT XXIX

1	(Vers. 27.) Comple ergo hebdomadam istius: et dabo etiam hanc tibi. Postquam Liam Iacob fraude deceptus pro Rachel uxorem acceperat, dicitur ei a socero Laban ut septem dies post nuptias sororis prioris expleat, et sic accipiat Rachel, pro qua iterum septem annis aliis serviturus sit. Non igitur, ut quidam [In ea fuit opinione Iosephus Antiquitt. lib. I, cap. 19: Διελθούσης ἄλλης ἐπταετίας, τὴν Ῥαχήλαν παρέλαβεν: altero peracto septennio, Rachelem in matrimonium accepit.] male aestimant, post septem annos alios Rachel accepit uxorem, sed post septem dies nuptiarum uxoris primae. Nam sequitur: Et ingressus est ad Rachel, et dilexit Rachel magis quam Liam, et servivit ei septem annis aliis [Gen. XXIX, 30].
2	(Vers. 32.) Et concepit, et peperit filium, et vocavit nomen eius Ruben. Omnium patriarcharum propter compendium lectionis, etymologias nominum volo pariter dicere [In uno Reginae mss. haec apponitur epigraphe: Nomina patriarcharum cum interpretationibus suis.].
3	Et vocavit, inquit, Ruben nomen eius, dicens: Quia vidit Dominus humilitatem meam. RUBEN interpretatur visionis filius.
4	(Vers. 33.) Et concepit, inquit, alterum filium et dixit: Quoniam exaudivit me Dominus, eo quod odio me haberet vir meus, et dedit mihi etiam hunc: et vocavit nomen eius Simeon. Ab eo quod sit exaudita, Simeon nomen imposuit. SIMEON quippe interpretatur auditio. De tertio vero sequitur:
5	(Vers. 34.) Et concepit adhuc, et peperit filium, et dixit: Nunc mecum erit vir meus, quia peperi ei tres filios: ideo vocavit nomen eius Levi. Ubi nos legimus, Apud me erit vir meus, Aquila interpretatus est, applicabitur mihi vir meus, quod Hebraice dicitur, [Idem ms. cum aliis quatuor penes Martianaeum, Ellave. ---Hebraice dicitur, illave. Quatuor mss. codices ellave posuerunt; sed i frequenter in e apud veteres exscriptores mutatum novimus. MARTIAN.] ILLAVE, et a doctoribus Hebraeorum aliter transfertur, ut dicant, prosequetur me vir meus, id est, non ambigo de amore in me viri mei: erit mihi in hac vita comes, et eius dilectio me ad mortem usque deducet, et prosequetur: tres enim filios ei genui.
6	(Vers. 35.) Et concepit, et peperit filium, et dixit: Nunc super hoc confitebor Domino, et ob id vocavit nomen eius Iuda. IUDA confessio dicitur. A confessione itaque confessoris nomen est dictum. Verumtamen hic confessio pro [Atque adeo Iosephus loco supra laudato Ἰούδας, εὐχαριστίαν τοῦτο δηλοῖ. Iuda, quod nomen gratiarum actionem sonat.] gratiarum actione, aut pro laude accipitur, ut frequenter in Psalmis, et in Evangelio [Matth. XI, 25]: Confitebor tibi, Domine, pater coeli et terrae, id est, gratias ago tibi, sive glorifico te.