Hieronymus, De situ et nominibus locorum Hebraicorum, LIBER., 98. DE LIBRIS REGNORUM.
| 1 | Ziph, mons squalidus, vel caligans, sive nebulosus, iuxta Ziph, in quo sedit David prope Chermelam, quae in Scripturis sanctis Carmelus appellatur, vicus hodie Iudaeorum, unde fuit Nabal Carmelius. |
| 2 | Sed et unus de posteris Caleb dictus est Ziph. |
| 3 | Lege Paralipomenon . |
| 4 | Zogora, in Ieremia civitas Moabitarum: haec est quae nunc vocatur Zoara, sive Segor, una de quinque civitatibus Sodomorum. |
| 5 | Zeb, civitas Amman, hodieque villa Zia ostenditur in quintodecimo lapide Philadelphiae, contra Occidentem, de qua scribit Ieremias. |
| 6 | Zoeleth, nomen lapidis, ubi Adonias immolavit victimas iuxta fontem Rogel. |