Hieronymus, De situ et nominibus locorum Hebraicorum, LIBER., 93. DE GENESI.
| 1 | Ur Chaldaeorum, ubi mortuus est Aram, frater Abrahae: cuius hodieque, sicut Iosephus refert, tumulus ostenditur. |
| 2 | (Et super hoc quid nobis videatur in libris Hebraicarum Quaestionum plenius diximus.) Ulammaus, pro quo in Hebraeo scriptum habet Luza. |
| 3 | Eadem est autem quae et Bethel, sicut supra diximus. |
| 4 | Sed et quaedam villa nomine Ulamma in duodecimo Diocaesareae lapide ostenditur contra solis ortum. |
| 5 | Us, unde fuit Iob de regione Ausitidi, sed et unus de posteris Esau, appellabatur Us. |
| 6 | (De quo in libris Hebraicarum Quaestionum diximus.) |