Hieronymus, De situ et nominibus locorum Hebraicorum, LIBER., 92. DE REGNORUM LIBRIS.
| 1 | Thelamuge, locus in quo Abenner misit ad David. |
| 2 | Sed sciendum quod pro hoc verbo Aquila interpretatur, extemplo: Symmachus, pro semetipso. |
| 3 | Thaad, iuxta Galaad. |
| 4 | Thamsa, terminus regni Salomonis. |
| 5 | Thermoth, civitas quam aedificavit Salomon in deserto (cuius in libris Hebraicarum Quaestionum fecimus mentionem). |
| 6 | Tharsis, unde aurum Salomini deferebatur: hanc putat Iosephus Tarsum urbem esse Ciliciae. |
| 7 | Porro iuxta Ezechiel prophetam Carthago sentitur. |
| 8 | Siquidem in eo loco, ubi apud Septuaginta Interpretes legimus Carthaginem, in Hebraeo scriptum habet Tharsis. |
| 9 | Nonnulli Indiam putaverunt (et de hoc tam in libro Epistolarum , quas ad Marcellam scripsimus, quam in libris Hebraicarum Quaestionum plenius dictum est). |
| 10 | Thersa, ubi Asa rex Israel fuit. |
| 11 | Thersila, unde fuit Manaen: usque hodie est viculus Samaritanorum in regione Batanaea, qui Thersila dicitur. |
| 12 | Therba, unde ortus est Elias propheta, Thesbites. |
| 13 | Theman, iuxta Ezechielem civitas Idumaeae. |
| 14 | Porro Isaias in visione eam ponit Arabiae. |
| 15 | Meminit huius et Ieremias. |
| 16 | Abdias autem scribit civitatem Esau. |
| 17 | Sed et unus filiorum eius Theman appellabatur sicut supra diximus. |
| 18 | 287 Tharac, quam in terra Iudaea Evaei condidere. |
| 19 | Thalassar, regio Syriae. |
| 20 | Thogarma, legimus in Ezechiel. |
| 21 | Taphet, legimus in Ieremia (VII, 32) aram Thaphet. |
| 22 | Est autem in suburbanis Aeliae usque hodie locus, qui sic vocatur, iuxta piscinam Fullonis, et agrum Acheldema. |