Hieronymus, De situ et nominibus locorum Hebraicorum, LIBER., 91. DE LIBRO IUDICUM.
| 1 | Thaanach, civitas iuxta quam Debbora adversum Sisaram dimicavit, in tribu Manasse, separata Levitis, quam tenere non potuit, pristinis cultoribus nequaquam eiectis. |
| 2 | Est autem nunc villa praegrandis distans a Legione millibus tribus. |
| 3 | Thebes, urbs quam cum oppugnaret Abimelech, fragmine molae ictus interiit. |
| 4 | Est autem usque hodie vicus nomine 286 Thebes, in finibus Neapoleos pergentibus Scythopolim, quasi in tertio decimo eius lapide. |
| 5 | Thamnatha: posuimus et supra Thamnam, in tribu Iuda. |