Hieronymus, De situ et nominibus locorum Hebraicorum, LIBER., 83. DE REGNORUM LIBRIS.
| 1 | Sophim, mons Ephraim in monte Armathem. |
| 2 | Salisa, quam pertransiit Saul. |
| 3 | Senna, nomen petrae. |
| 4 | Saalim, villa quam pertransiit Saul in finibus Eleutheropoleos contra Occidentem, septem ab ea millibus distans. |
| 5 | Sim, ubi Samuel invenit Saulem. |
| 6 | Sabim, ubi Saul praeliatus est. |
| 7 | Sonam, unde fuit illa mulier Sunamitis. |
| 8 | Est autem usque hodie vicus in finibus Sebastae in regione Acrabittena, vocabulo Sanim. |
| 9 | Sophamoth, ad quem locum misit David. |
| 10 | Seira, nomen putei, a quo Ioab fecit reverti principem exercitus Abenner. |
| 11 | Suba, cuius regem percussit David. |
| 12 | Sarthan, quae est ad radices Iezraelae. |
| 13 | Sophera, quae est et Sophir, unde veniebant naves Salomonis: de qua et supra diximus. |
| 14 | Est autem mons Orientis pertinens ad Indiae regionem. |
| 15 | Serora, civitas pergentibus Edom. |
| 16 | Saba, civitas regalis Aethiopiae, quam Iosephus a Cambyse rege Meroen cognominatam ex sororis vocabulo, refert. |
| 17 | 278 Sela, ubi percussus est Ioas. |
| 18 | Saffarvaim, de quibus locis Assyrii transmigrantes, habitaverunt in Samaria: et ab ipsis Samaritanorum gens sumpsit exordium. |
| 19 | Meminit horum et Isaias. |
| 20 | Sademoth, ubi Iosias rex idolorum signa combussit. |
| 21 | Saresta, oppidum Sidoniorum in via publica situm: ubi habitavit quondam Elias. |
| 22 | Saron, cuius et Isaias meminit, dicens, In paludes versus est Saron . |
| 23 | Usque in praesentem autem diem, regio inter montem Thabor et stagnum Tyberiadis, Saronas appellatur. |
| 24 | Sed et a Caesarea Palestinae, usque ad oppidum Ioppe, omnis terra quae cernitur, dicitur Saronas. |
| 25 | Sephela, sicut scribit Isaias: pro quo Aquila, campestrem, Symmachus; vallem interpretatur. |
| 26 | Usque hodie omnis regio iuxta Eleutheropolim campestris et plana, quae vergit ad Aquilonem et Occidentem, Sephela dicitur. |
| 27 | Sennaar: pro quo Aquila, Sennam: Symmachus interpretatur, uberem. |
| 28 | Meminit huius et Michaeas propheta. |
| 29 | Sedrach, terra Damasci: legimus in Zacharia . |
| 30 | Sion, mons urbis Ierusalem. |
| 31 | Samaria, civitas regalis in Israel, quae nunc Sebaste dicitur. |
| 32 | Sed et omnis regio quae circa eam fuit, a civitate quondam nomen acceperat. |
| 33 | Sor, Tyrus, metropolis Phoenicis, in tribu Nephtalim. |
| 34 | Soene, civitas Thebaidis, sicut scribit Ezechiel. |
| 35 | Sais, civitas Aegypti, cuius meminit Ezechiel: a qua et Saitis pagus. |
| 36 | Sadala, terminus Iudaeae, sicut et scribit Ezechiel. |
| 37 | Sabarim, inter Damascum et Aemath, sicut scribit Ezechiel. |
| 38 | Salisa pro quo Aquila interpretatur, triennalem. |
| 39 | Meminit huius Ieremias. |
| 40 | 279 Sichar, ante Neapolim, iuxta agrum quem dedit Iacob filio suo Ioseph, in quo Dominus noster atque Salvator secundum Evangelium Ioannis, Samaritanae mulieri ad puteum loquitur, ubi nunc Ecclesia fabricata est. |