Hieronymus, De situ et nominibus locorum Hebraicorum, LIBER., 79. DE EXODO.
| 1 | Soccoth, prima mansio filiorum Israel in deserto, postquam de Aegypto sunt profecti, antequam mare transiret Rubrum. |
| 2 | Sin, desertum inter mare Rubrum et solitudinem Sina. |
| 3 | Nam de hoc deserto filii Israel venerunt in Raphidim, et a Raphidim in desertum Sina, iuxta montem Sina, ubi Moyses tabulas legis accepit. |
| 4 | Desertum autem Sin idem dicit esse Scriptura quod et Cades, sed et hoc iuxta Hebraeos. |
| 5 | Caeterum in Septuaginta Interpretibus non habetur. |