Hieronymus, De situ et nominibus locorum Hebraicorum, LIBER., 63. DE REGNORUM LIBRIS.
| 1 | Messab, hostile oppidum iuxta Gaba. |
| 2 | Magdon, sive Magron, ubi sedit Saul. |
| 3 | Massepha, in Moab, ad quam profugus David, cum Saulis insidias declinaret, venit. |
| 4 | Masereth, in qua sedit David, nunc deserta: pro quo Aquila interpretatur, munitiones: Symmachus, refugia: Theodotio, speluncas. |
| 5 | Masbach, hostilis civitas regis Adrazar. |
| 6 | Mela, id est, Gemela: quam Aquila et Symmachus transferunt, vallem Salis (diximus de hac et supra). |
| 7 | Maacha, regio regis Gesur. |
| 8 | Modeim, vicus iuxta Diospolim, unde fuerunt Macchabaei: quorum hodieque 250 ibidem sepulcra monstrantur (satis itaque miror, quomodo Antiochiae eorum reliquias ostendunt, aut quo hoc certo auctore sit creditum. |
| 9 | Mabsar Tyri: pro quo Aquila et Symmachus interpretantur, munitam Tyrum. |
| 10 | Magau, urbs quam aedificavit Salomon. |
| 11 | Meeber: pro quo Aquila transtulit, ἀπὸ πέραν: Symmachus, ἐξεναντίας, id est, trans, vel de contra. |
| 12 | Maces, urbs unius principum Salomonis. |
| 13 | Mello, civitas quam aedificavit Salomon. |
| 14 | (Porro Symmachus et Theodotio, adimpletionem transtulerunt. |
| 15 | Et de hac in libris Hebraicarum Quaestionum plenius dicitur.) Maedam, civitas quam aedificavit Salomon. |
| 16 | Memphis, civitas Aegypti, cuius Osee, et Ezechiel, et Ieremias, prophetae recordantur; sed et Iudaei, qui cum Ieremia de Ierosolymis profugi exierant, habitaverunt in Memphis. |
| 17 | Machaas, in Osee, pro quo Aquila et Symmachus, concupiscentias interpretantur. |
| 18 | Miletus, civitas Asiae, de qua Ezechiel scribit. |
| 19 | Mariboth, cuius meminit Ezechiel dicens: Usque ad aquam Mariboth , pro quo Aquila, lites: Symmachus, iurgia, vel contradictiones interpretantur. |
| 20 | Morasthi, unde fuit Micheas propheta. |
| 21 | Est autem vicus contra orientem Eleutheropoleos. |
| 22 | Masagam, regio Moabitarum, ut scribit Ieremias. |
| 23 | Misor, regio Moab, iuxta Ieremiam. |
| 24 | Mophath, regio Moabitarum: sicut in Ieremia legimus. |
| 25 | Posita est autem et supra Memphrua. |
| 26 | Maon, regio Moabitarum, iuxta Ieremiam. |
| 27 | Melchom, idolum Ammonitarum, sicut scribit Ieremias. |
| 28 | Magedan, ad cuius fines Matthaeus 251 Evangelista scribit, Dominum pervenisse; sed et Marcus eiusdem nominis recordatur: nunc autem regio dicitur Magedena, circa Gerasam. |