Hieronymus, De situ et nominibus locorum Hebraicorum, LIBER., 61. DE LIBRO IESU.
| 1 | Maceda, in hac conclusit Iesus quinque reges in spelunca, quos interfecit cum rege Maceda, quae fuit in tribu Iuda: et nunc est in octavo milliario Eleutheropoleos contra solis ortum. |
| 2 | Madon, civitas in qua fuit rex Iobab, adversus quem Iesus bellum gessit. |
| 3 | Massepha, in tribu Iuda, apud quam habitabat Iephte iuxta Cariathiarim, ubi quondam arca testamenti fuit, et Samuel populum iudicavit. |
| 4 | Meminit huius et Ieremias. |
| 5 | Merrom, aquae ad quas, exercitu praeparato, castra sunt posita. |
| 6 | Est autem nunc vicus Merrus nomine in duodecimo milliario urbis Sebastae iuxta Dothaim. |
| 7 | Massephothmaim, pro quo Aquila, Massephoth aquae: Symmachus, Massephoth maris, interpretati sunt. |
| 8 | Machathi, urbs Amorrhaeorum super Iordanem iuxta montem Aermon, de qua exterminare non valuerunt filii Israel Machathaeum. |
| 9 | Marom, et hanc cepit Iesus, rege illius 246 interfecto. |
| 10 | Mageddo (et hanc cepit Iesus, rege illius interfecto): quae cum cecidisset in sortem tribus Manasse, nequaquam possedit eam, quia pristinos habitatores nequivit expellere. |
| 11 | Misor: pro quo Aquila et Symmachus, humilem interpretati sunt. |
| 12 | Est autem civitas tribus Ruben, separata Levitis in regione Gabalena. |
| 13 | Medaba, usque hodie urbs Arabiae, antiquum nomen retinens iuxta Esebon. |
| 14 | Maphaath, in tribu Beniamin. |
| 15 | Sed et alia est trans Iordanem, in qua praesidium Romanorum militum sedet propter viciniam solitudinis. |
| 16 | Masapha, in tribu Gad, separata Levitis. |
| 17 | Est autem et alia nunc Maspha, in finibus Eleutheropoleos contra septentrionem pergentibus Aeliam, pertinens ad tribum Iudae. |
| 18 | Maanaim, in tribu Gad, separata Levitis, in regione Galaaditide. |
| 19 | Moladab, in tribu Iudae, sive Simeonis. |
| 20 | Medemena, in tribu Iudae, cuius meminit Isaias: et nunc est Menois oppidum iuxta civitatem Gazam. |
| 21 | Magdala, in tribu Iuda. |
| 22 | Maresa, in tribu Iuda: cuius nunc tantummodo sunt ruinae in secundo lapide Eleutheropoleos. |
| 23 | Maon, in tribu Iuda, contra solis ortum Daromae. |
| 24 | Maroth, in tribu Iuda. |
| 25 | Maddi, in tribu Iuda. |
| 26 | Masfa, in tribu Beniamin. |
| 27 | Machoth, in tribu Manasse. |
| 28 | Marala, ascensus Zabulon. |
| 29 | Masan, in tribu Aser, iuxta Carmelum ad mare, civitas separata Levitis. |
| 30 | 247 Mare Salinarum, quod vocatur Mortuum, sive mare Asphalti, id est, bituminis, inter Iericho et Zoaram. |
| 31 | Meeleb terminus Nephtalim. |
| 32 | Magdiel, in tribu Nephtalim, et hodieque parvus vicus ostenditur in quinto milliario Dorae, pergentibus Ptolemaidem. |
| 33 | Mons Olivarum, ad orientem Ierusalem, in quo discipulos erudiebat Iesus. |