Hieronymus, De situ et nominibus locorum Hebraicorum, LIBER., 47. DE EVANGELIIS.
| 1 | Gadara, urbs trans Iordanem, contra Scythopolim et Tyberiadem ad orientalem plagam sita in monte, ad cuius radices aquae calidae erumpunt, balneis desuper aedificatis. |
| 2 | Gergesa, ubi eos qui a daemonibus vexabantur, Salvator restituit sanitati, et hodieque super montem viculus demonstratur, iuxta stagnum Tyberiadis, in quod porci praecipitati sunt. |
| 3 | Diximus de hoc et supra. |
| 4 | Gethsemani, locus ubi Salvator ante Passionem oravit. |
| 5 | Est autem ad radices montis Oliveti nunc Ecclesia desuper aedificata. |
| 6 | Golgotha locus Calvariae, in quo Salvator pro salute omnium crucifixus est, et usque hodie ostenditur in Aelia ad septentrionalem plagam montis Sion. |