Hieronymus, De situ et nominibus locorum Hebraicorum, LIBER., 46. DE REGNORUM LIBRIS.
| 1 | Geththa, ad quem locum transtulerunt arcam testamenti de Azoto: nunc vicus grandis vocatur Giththam, inter Antipatridem et Iamniam. |
| 2 | Sed et alia villa appellatur Geththim. |
| 3 | Gallim, unde fuit Phalthi, qui post fugam David, Michol uxorem eius acceperat. |
| 4 | Meminit huius loci et Isaias. |
| 5 | Dicitur autem esse quidam iuxta Accaron vicus, qui vocetur Gallaa. |
| 6 | Gelamsur, regio Allophylorum. |
| 7 | Gelboe, montes alienigenarum, in sexto lapide a Scythopoli, in quibus et vicus est grandis, qui vocatur Gelbus. |
| 8 | Gedud, ad quam descendit David: pro quo Aquila, τὸν εὔζωνον, id est, expeditum, vel accinctum; Symmachus, latronum cuneum, transtulerunt. |
| 9 | Gazera, ubi percussit David alienigenas. |
| 10 | Posuimus et supra Gazer. |
| 11 | Gesur, regio alienigenarum in Syria. |
| 12 | Gilon, unde fuit Achitophel. |
| 13 | Gob, ubi commissum est praelium . |
| 14 | Galilaea: duae sunt Galilaeae, e quibus una Galilaea gentium vocatur, vicina finibus Tyriorum, ubi et Salomon viginti civitates donavit Chiram regi Tyri, in sorte tribus Nephthali: altera vero Galilaea dicitur circa Tyberiadem et stagnum Genezareth, in tribu Zabulon. |
| 15 | Gion, ubi Salomon est unctus in regem. |
| 16 | Ger, locus in quo percussit Ieu rex Israel Ochoziam regem Iudaeae, iuxta Ieblaam. |
| 17 | Gettha - Chopher, unde Ionas Propheta fuit. |
| 18 | Gaddi, quam percussit Azael rex Damasci. |
| 19 | Posita est et supra Gadda. |
| 20 | Gemala, regio Idumaeorum, pro qua Aquila et Symmachus interpretantur, vallem salis. |
| 21 | Gebin, meminit huius Isaias. |
| 22 | Et est villa Geba, in quinto milliario a Guphnis euntibus Neapolim. |
| 23 | 227 Gozan, in regione Emath: et huius meminit Isaias. |
| 24 | Est autem in finibus Damasci. |
| 25 | Gareb, collis iuxta Ierusalem, sicut scribit Ieremias. |
| 26 | Gebarth: pro quo Aquila interpretatur, in sepibus: Symmachus vero, in coloniis. |
| 27 | Gepha, nomen regionis, ut in Isaia scriptum est. |
| 28 | Gamem, sive Gamon, regio Moabitarum, iuxta Isaiam. |