Hieronymus, De situ et nominibus locorum Hebraicorum, LIBER., 45. DE LIBRO IESU.
| 1 | Galgala, haec est quam supra posuimus Golgol, ad orientalem plagam antiquae Ierichus cis Iordanem, ubi Iesus secundo populum circumcidit, et Pascha celebravit, et deficiente manna, triticeis panibus usus est Israel. |
| 2 | In ipso loco lapides quoque, quos de alveo Iordanis tulerant, statuerunt: ubi et tabernaculum testimonii fixum multo tempore fuit. |
| 3 | Cecidit autem in sortem tribus Iudae, et ostenditur usque hodie locus desertus in secundo Ierichus milliario, ab illius regionis mortalibus miro cultu habitus. |
| 4 | Sed et iuxta Bethel quidam aliam Galgalam suspicantur. |
| 5 | Gai, iuxta Bethan et Bethel, quam expugnavit Iesus, rege illius interfecto, et habitavit in illa quondam citra Iordanem Amorrhaeus, nunc desertus tantum ostenditur locus. |
| 6 | Gabaon, unde Gabaonitae supplices venerunt ad Iesum: erat olim metropolis et regalis civitas Evaeorum, ceciditque in sortem tribus Beniamin. |
| 7 | Et nunc ostenditur villa eodem nomine in quarto 222 milliario Bethelis contra occidentalem plagam, iuxta Rama et Remmon: ubi Solomon hostiis immolatis, divinum meruit oraculum. |
| 8 | Fuit autem et ipsa separata Levitis. |
| 9 | Gabe, sortis Beniamin, et haec Levitis civitas separata. |
| 10 | Gazer, in sorte tribus Ephraim, urbs separata Levitis: quam et ipsam expugnavit Iesus, rege illius interfecto. |
| 11 | Aedificata est autem postea a Solomone: nunc Gazara villa dicitur in quarto milliario Nicopoleos contra septentrionem. |
| 12 | Verumtamen sciendum, quod alienigenas ex ea Ephraim non potuit expellere. |
| 13 | Goson, et hanc expugnavit Iesus. |
| 14 | Geth, in hac gigantes, qui vocabantur Enacim, et Philistinorum accolae permanserunt. |
| 15 | Ostenditur vicus in quinto milliario ab Eleutheropoli euntibus Diospolim. |
| 16 | Gesom, civitas alienigenarum, quae est in Gargasi in Basanitide: de qua filii Israel expellere non valuerunt Gesuri. |
| 17 | Gader, et huius regem interfecit Iesus. |
| 18 | Legimus quod Iacob trans turrim Gader fixerit tabernaculum suum . |
| 19 | Goim in Gelgel: quod Aquila et Symmachus interpretantur, gentes in Gelgel. |
| 20 | Gelgel, et hanc cepit Iesus: et nunc ostenditur villa nomine Galgulis, ab Antipatride in sexto milliario contra septentrionem. |
| 21 | Golathmaim, locus qui intepretatur possessio aquae. |
| 22 | Gadda, in tribu Iuda. |
| 23 | Est autem hodieque villa in extremis finibus Daromae contra orientem, imminens mari Mortuo. |
| 24 | Gadera, in tribu Iuda: nunc appellatur villa ad regionem civitatis Aeliensis pertinens, nomine Gadora, circa Terebinthum. |
| 25 | Gahedur, in tribu Iuda: hodieque vocatur Gedrus, vicus praegrandis in decimo milliario Diospoleos pergentibus Eleutheropolim. |
| 26 | Gabli, terra Allophylorum. |
| 27 | Gison, in tribu Iuda. |
| 28 | Gelon, in tribu Iuda Gaderoth, in tribu Iuda. |
| 29 | 223 Getremmon, in tribu Manasse, civitas separata Levitis. |
| 30 | Gai, vallis, sive praeruptum. |
| 31 | Gehennom, quod interpretatur, vallis Ennom, et ab hac quidam putant appellatam geliennam. |
| 32 | Cecidit autem in sortem tribus Beniamin iuxta murum Ierusalem contra orientem (super qua in libris Hebraicarum Quaestionum plenius dictum est). |
| 33 | Gethepher, in tribu Zabulon. |
| 34 | Gefthael, id est vallis Efthael, in tribu Zabulon. |
| 35 | Gabathon, in tribu Dan, civitas separata Levitis. |
| 36 | Est quoque oppidum, quod vocatur Gabe, in sextodecimo milliario Caesareae, et alia villa Gabatha in finibus Diocaesareae iuxta grandem campum Legionis: necnon Gaba et Gabatha, viculi contra orientalem plagam Daromae. |
| 37 | Sed et alia Gabatha in tribu Beniamin, ubi fuit domus Saul: alienigenarum quoque in Regnorum Libris quaedam Gabatha scribitur (et iuxta Bethleem in tribu Iuda). |
| 38 | Getremmon, alia civitas in tribu Dan, separata Levitis. |
| 39 | Est autem nunc villa praegrandis in duodecimo milliario Diospoleos pergentibus ad eam de Eleutheropoli. |
| 40 | Galiloth, locus iuxta Iordanem in tribu Beniamin: ubi altare Domino constituerunt filii Ruben. |
| 41 | Gaas, mons in tribu Ephraim, in cuius septentrionali plaga sepultus est Iesus filius Nave, et usque hodie iuxta vicum Thamna sepulcrum eius insigne monstratur. |
| 42 | Gabaath, in tribu Beniamin, urbs Phinees filii Eleazar: ubi sepultus est Eleazarus. |
| 43 | Est autem nunc Gabatha, villa in duodecimo lapide Eleutheropoleos, ubi et sepulcrum Ambacuc prophetae ostenditur. |
| 44 | 226 Gabaam, usque ad hanc bellatum est contra tribum Beniamin, sicut in libro Iudicum scribitur . |