Hieronymus, De situ et nominibus locorum Hebraicorum, LIBER., 40. DE NUMERIS ET DEUTERONOMIO.
| 1 | Fin, castra filiorum Israel in deserto. |
| 2 | Fathura, civitas trans Mesopotamiam, unde fuit Balaam hariolus: sed et iuxta Eleutheropolim quaedam villa nomine Fathura euntibus Gazam nuncupatur. |
| 3 | Fagor, et Bethfogor, mons Moabitarum, ad quem Balaac rex adduxit Balaam hariolum in supercilio Liviadis. |
| 4 | Sed et alia villa Fogor haud procul a Bethleem cernitur (quae nunc Phaora nuncupatur). |
| 5 | Fasga, civitas Amorrhaeorum. |
| 6 | Est autem et mons contra orientalem plagam Fasga, pro quo Aquila interpretatur, excisum. |
| 7 | Sed et Septuaginta interpretes Fasga in quodam loco, excisum transtulerunt. |