Hieronymus, De situ et nominibus locorum Hebraicorum, LIBER., 35. DE LIBRO IESU.
| 1 | Engannim, in tribu Iuda, nunc est vicus iuxta Bethel. |
| 2 | Enaim, in tribu Iuda, hodieque villa est Bethenim circa Terebinthum. |
| 3 | Endor, in tribu Manasse, ubi Pythonissa a Saule rege Iudaeae consulitur. |
| 4 | Diximus et supra de Endor, quae est iuxta oppidum Naim, in cuius portis Salvator filium viduae suscitavit. |
| 5 | Est autem circa Scythopolim. |
| 6 | Enganni, in tribu Issachar civitas separata Levitis. |
| 7 | Sed et alia quaedam civitas Enganna dicitur, circa Gerasam trans Iordanem. |
| 8 | Enadda, in tribu Issachar. |
| 9 | Est autem usque hodie quaedam villa Ennadab pergentibus de Eleutheropoli Aetiam, quasi in decimo milliario. |
| 10 | Enasor, in tribu Nephthalim, posita est et supra Asor. |
| 11 | Ereccon, terminus tribus Dan, iuxta Ioppen. |