Hieronymus, De situ et nominibus locorum Hebraicorum, LIBER., 22. DE REGNORUM LIBRIS.
| 1 | Chetthiim, terra Chetthiim, Cyprus dicitur, in qua civitatem condidit Luza. |
| 2 | (Nam et urbs hodieque Cypricittium nuncupatur.) Charri, ad quem locum persecutus est Ioab res novas molientem Sabee. |
| 3 | Chomarim, ubi Iosias simulacra combussit. |
| 4 | Chalanne, ubi turris aedificata est, iuxta Isaiam (sicut supra diximus). |
| 5 | (Charran, civitas Assyriorum in regione Themath, iuxta Isaiam.) Chaselath, iuxta Thabor, terminus Zabulon: diximus de ea et supra sub nomine Chasalus. |
| 6 | Chabol, terminus Aser. |
| 7 | Chalab, de hac cultores pristinos Aser non valuit expellere. |
| 8 | Chorath, torrens trans Iordanem (in quo absconditus est Elias, e regione eiusdem fluminis). |
| 9 | Chotha, regio Assyriorum. |
| 10 | Chobar, flumen Babylonium, sicut in Ezechiel. |
| 11 | Charchamis, civitas iuxta flumen Euphraten. |
| 12 | Chamoam, villula iuxta Bethleem. |
| 13 | Chaelon, quae et Ealon, oppidum Moab sicut in Ieremia scribitur. |
| 14 | Chamos, idolum Moab. |