Hieronymus, De situ et nominibus locorum Hebraicorum, LIBER., 20. DE NUMERIS ET DEUTERONOMIO.
| 1 | Choreb, mons Dei in regione Madian, iuxta montem Sina super Arabiam in deserto (cui iungitur mons et desertum Saracenorum, quod vocatur Pharan. |
| 2 | Mihi autem videtur, quod duplici nomine idem mons, nunc Sinai, nunc Choreb vocetur). |
| 3 | Charada, castra filiorum Israel. |
| 4 | Chennereth, mare ubi est Iudaeae terminus in tribu Nephthalim. |
| 5 | (Sed et oppidum quod in honorem postea Tiberii Caesaris, Herodes rex Iudaeae instauratum appellavit Tyberiadem, ferunt hoc primum appellatum nomine.) |