Hieronymus, De situ et nominibus locorum Hebraicorum, LIBER., 13. DE REGNORUM LIBRIS.
| 1 | Bethcur, usque ad hunc locum populus Israel fugientes alienigenas persecutus est, appellans eum, Lapidem adiutorii. |
| 2 | Bama, ubi Saul ungendus in regem, cum Samuele cibum sumpsit. |
| 3 | Porro Bama, Aquila semper, Excelsum transtulit. |
| 4 | Boses, nomen petrae (super qua in libris Hebraicarum Quaestionum diximus). |
| 5 | Besor, torrens, ad quem venit David. |
| 6 | Borasan, ad quem locum David praedae partem misit. |
| 7 | Baurim, locus ad quem usque prosecutus est Michol filiam Saulis vir suus lacrymans. |
| 8 | Baalasor, iuxta Ephraim, ubi Abessalon pecora tondebantur. |
| 9 | Bethmacha, usque ad hanc persecutus est Ioab perduellem Sabee; et postea, eam ab Assyriorum rege captam legimus. |
| 10 | Est autem ascendentibus de Eleutheropoli Aeliam in octavo lapide, nunc villa quae Machamim dicitur. |
| 11 | Ballath, urbs quam aedificavit Salomon. |
| 12 | Bethsarisa unde venit homo cum muneribus ad Elisaeum prophetam. |
| 13 | Est autem villa in finibus Diospoleos, quindecim ferme ab ea millibus distans contra septentrionem in regione Thamnitica. |
| 14 | Bethagan, via per quam Ochoziam fugisse legimus. |
| 15 | Bazechath, urbs antiqua Iudaeae. |
| 16 | Bethacath, vicus Samariae, ad quem venit Ieu rex Israel, qui in latissimo campo situs, non amplius quindecim millibus a Legionis oppido separatur: pro quo Aquila interpretatus est, domum curvantium: Symmachus, domum singulorum (eo quod angustus et humilis introitus, singulos tantum, et nec ipsos stantes ingredi sustineret). |
| 17 | Benith, quam construxerunt Samaritani, qui de Babylonis regione transierant. |
| 18 | Byblos, civitas Phoenicis, cuius meminit Ezechiel (XXVII, 9): pro qua in Hebraico continetur GOBEL. 182 Bubastus, civitas Aegypti: iuxta Ezechiel (XXX, 7). |
| 19 | Boz, in terra Cedar, sicut scribit Ieremias (XXV, 23). |
| 20 | Bel, idolum Babylonium. |