Hieronymus, De situ et nominibus locorum Hebraicorum, LIBER., 6. DE REGNORUM LIBRIS.
| 1 | Armathem Sophim, civitas Helcanae et Samuelis (in regione Thamnitica), iuxta Diospolim, unde fuit Ioseph, qui in Evangeliis de Arimathia scribitur. |
| 2 | Abenezer, quod interpretatur, lapis adiutorii, (sive lapis auxiliator). |
| 3 | Est autem locus unde tulerunt Philistiim arcam testamenti, inter Aeliam et Aschalonem, iuxta villam Bethsamis. |
| 4 | Aphes dommim, ubi dimicavit Saul (pro quo Aquila interpretatus est) in finibus Dommim. |
| 5 | Annegeb, pro quo Aquila, austrum: Symmachus, meridiem transtulerunt. |
| 6 | Arith, ubi sedit David, est villa Arath nomine, ad occidentem Aeliae. |
| 7 | Ahialim pro quo Aquila transtulit, cervorum, Theodotio lapides cervorum. |
| 8 | Aendor, quae est in Iezraela, ubi filii Israel se ad praelium praeparantes, castra posuerunt. |
| 9 | Et est hodieque grandis vicus Aendor, iuxta montem Thabor ad meridiem in quarto milliario. |
| 10 | Aphec, iuxta Aendor Iezraelis, ubi dimicavit Saul. |
| 11 | Arma, ad quem locum spoliorum partem misit David. |
| 12 | Athach, ad hunc quoque locum David misit partem praedae. |
| 13 | 159 Amma, in desertum euntibus Gabaon. |
| 14 | Aethon Adasai, pro quo Symmachus posuit, inferiorem viam. |
| 15 | Area Orne, haec est Ierusalem. |
| 16 | Assur, civitas Iudaeae, quam aedificavit Salomon. |
| 17 | Abelmaula, urbs unius de principibus Salomonis, unde fuit et Elisaeus Propheta. |
| 18 | Est autem nunc vicus in Aulone, de quo supra diximus, in decimo a Scythopoli milliario (contra Australem plagam) nomine Bethaula. |
| 19 | Sed et Abelmea villula nuncupatur inter Neapolim et Scythopolim. |
| 20 | Avoth Iair, civitas unius de ducibus Salomonis. |
| 21 | Ailath, super littus Rubri maris in terra Edom, de qua et supra dictum est. |
| 22 | Aheloth, quam exstruxit Azarias. |
| 23 | Aenda, huius expugnator atque subversor Asa rex fuit. |
| 24 | Aziongaber, in hoc loco classis Iosaphat, vi tempestatis attrita est. |
| 25 | Fertur autem ipsa esse Essia, haud procul ab Aila in Rubro mari. |
| 26 | Alleabar Gozan, nomina fluminum in terra Medorum, ad quorum montes captivus ductus est Israel. |
| 27 | Abana, fluvius Damasci. |
| 28 | Aopsithe, vel Aphusoth, quod Aquila, in libertatem vertit. |
| 29 | Aian, quam expugnavit rex Assyriorum. |
| 30 | Aia, in Assyriorum regione locus. |
| 31 | Amech, regio Assyriorum. |
| 32 | Asyma, oppidum in terra Iudaea, quod aedificaverunt hi, qui ad eam venerant de Emath. |
| 33 | Arcem: Iosephus refert, hanc esse Petram 162 urbem nobilem Palaestinae. |
| 34 | Adramelech, idolum Assyriorum, quod et Samaritae venerati sunt. |
| 35 | Aroniim, iuxta Isaiam viae nomen est, in visione contra Moab. |
| 36 | pro quo Aquila Oronaim posuit, et Symmachus Orannim. |
| 37 | Agallim, et huius Isaias meminit in visione contra Moab. |
| 38 | Est autem nunc Aegalim vicus ad australem partem Areopoleos, distans ab ea millibus octo. |
| 39 | Aelim, puteus Dimon, et huius loci in eadem visione Isaias recordatur. |
| 40 | Ariel, huius quoque Isaias meminit (XXIX, 1), quam Aquila et Symmachus interpretati sunt, leonem Dei. |
| 41 | Hanc putant esse quidam Areopolim, eo quod ibi usque nunc Ariel idolum colant, vocatum ἀπὸ τοῦ ἄρεως, id est, a Marte, unde et civitatem dictam suspicantur. |
| 42 | (Mihi autem videtur iuxta consequentiam textumque prophetiae, Ariel ibi allegorice Ierusalem, sive templum significare, hoc est, leonem Dei, quod forte regnum fuerit et potens. |
| 43 | De hoc in libris Hebraicarum Quaestionum plenius dictum est.) Adama, in Isaia, pro quo Aquila et Symmachus humum. |
| 44 | Theodotio terram interpretantur. |
| 45 | Ager fullonis, et hoc in Isaia scriptum est. |
| 46 | Ostenditur autem nunc usque locus in suburbanis Ierusalem. |
| 47 | Asedech, et hanc Isaias propheta futuram in Aegypto vaticinatur. |
| 48 | Sciendum autem, quod in Hebraeo pro hoc nomine scriptum sit, AHARES, quod a siccitate quidam interpretantur in solem, et alii in testam transferunt, volentes vel Heliopolim significari, vel Ostracinen. |
| 49 | Sed et huius rei disputationem, quia longior est, in libris Hebraicarum Quaestionum reperies. |
| 50 | Arphad, urbs Damasci, quam expugnavit rex Assyriorum, sicut in Isaia, et Ieremia, et Regnorum libris scribitur. |
| 51 | 163 Aneugava, et huius Isaias meminit (XXXVII, 13), quam Aquila transtulit Ane et Gava (scilicet u syllabam, quae in medio nominis posita est, in coniunctionem, Et, est interpretatus): Symmachus vero, sollicitavit et humiliavit. |
| 52 | Legimus super hoc et in Regnorum libris . |
| 53 | Armenia, in Isaia, quae est Ararat. |
| 54 | Asael: huius meminit Zacharias propheta. |
| 55 | Anameel, turris Ierusalem: sicut in Zachariae libro scriptum est (XIV, 5). |
| 56 | Assameroth, in Ieremia (XXXI, 40): pro quo in Hebraeo scriptum est: SADEMOTH: quod Aquila interpretatur, suburbana. |
| 57 | Aenioth, in Ieremia (XXXVII, 15): quod Aquila vertit, in officinas, vel tabernas. |
| 58 | Alaoth, in Ieremia (XLVIII, 5): pro quo in Hebraeo legitur, LUIT. Aethan, in Ieremia (XLIX, 19): quam Aquila, validam: Symmachus interpretatur, antiquam. |