Hieronymus, De situ et nominibus locorum Hebraicorum, LIBER., 4. DE LIBRO IESU.
| 1 | Antilibanus: ea quae sunt supra Libanum, ad orientalem plagam respicientia, Antilibanus appellantur, circa regionem urbis Damasci, quae cecidit in sortem tribus Manasse. |
| 2 | Azeca, civitas Chananaeorum in parte tribus Iudae, ad quam usque persecutus 143 est Iesus quinque reges. |
| 3 | Sed et hodie vocatur villa Azeca, inter Eleutheropolim et Aeliam. |
| 4 | Aialon, vallis atque praeruptum, super quod, orante quondam Iesu, luna stetit iuxta villam quae usque nunc Ailon dicitur, contra orientem Bethelis, tribus ab ea millibus distans haud procul a Gabaa et Rama Saluis urbibus. |
| 5 | (Porro Hebraei affirmant Aialon, vicum esse iuxta Nicopolim in secundo lapide, pergentibus Aeliam.) Achor (Hebraice dicitur emecachor : quod interpretatur Vallis tumultus, vel turbarum: eo quod ibi tumultuatus et turbatus sit Israel), in qua lapidaverunt quondam Achan, propter furtum anathematis. |
| 6 | Est autem ad septentrionem Ierichus: et usque hodie a regionis illius accolis sic nominatur. |
| 7 | (Meminit huius Osee propheta . Asedoth, alia haec civitas (non quae supra, licet eodem nomine vocetur) quam expugnavit quondam Iesus, rege illius interfecto. |
| 8 | Asor, civitas regni Iabin, quam solam incendit Iesus, quia metropolis erat omnium regnorum Philistiim. |
| 9 | Est et alia villa usque hodie Asor, in finibus Ascalonis, contra orientem eius: quae cecidit in sortem tribus Iuda, cuius et Scriptura meminit (Ios. XIII, 15), appellans eam ad distinctionem veteris, Asor novam. |
| 10 | Aermon, regio Evaeorum, quam obtinuit Iesus. |
| 11 | (Hebraeus vero quo praelegente Scripturas didici, affirmat montem Aermon Paneadi imminere, quem quondam tenuere Evaei et Amorrhaei: de quo nunc aestivae nives Tyrum ob delicias deferuntur.) Ahalae, mons quem Aquila interpretatur, dividentem montem: et Symmachus, 146 laevem montem, id est, limpidum, sive lubricum. |
| 12 | Aermon, mons Amorrhaeorum, de quo nunc dictum est: quem Phoenices vocant, sanior, et Amorrhaeus appellavit, sanir: diciturque in vertice eius insigne templum, quod ab ethnicis cultui habetur e regione Paneadis et Libani: sed et terra filiorum Israel trans Iordanem ad solis ortum a praerupto Arnonis usque ad montem Aermon extenditur. |
| 13 | Anob, civitas quam expugnavit Iesus, et est usque hodie villa iuxta Diospolim, quasi in quarto milliario ad orientalem plagam, quae vocatur Bethoannaba. |
| 14 | (Plerique autem affirmant in octavo ab ea milliario sitam, et appellari Bethannabam.) Asdod, in sorte tribus Iudae, quae nunc vocatur Azotus: in qua derelicti sunt gigantes, qui appellabantur Enacim, et est usque hodie insigne oppidum Palaestinae. |
| 15 | Ader, urbs quam expugnavit Iesus, rege illius interfecto. |
| 16 | Aphec, et haec civitas est, quam, rege ipsius trucidato, expugnavit Iesus. |
| 17 | Acsaph, et contra huius regem Iesus pugnasse describitur: appellaturque hodie villula Chasalus, in octavo lapide Diocaesareae, ad radicem montis Thabor, in campestribus. |
| 18 | Accaron, in tribu Dan (sive ut ego arbitror, in tribu Iudae): ad laevam Chananaeorum: urbs una de quinque olim Satrapiis Palaestinae, et decreta est quidem tribui Iudae, nec tamen tenta ab ea, quia habitatores pristinos nequivit expellere. |
| 19 | Sed et usque hodie grandis vicus civium Iudaeorum Accaron dicitur, inter Azotum et Iamniam, ad orientem respiciens. |
| 20 | (Quidam putant Accaron turrim Stratonis, postea Caesaream nuncupatam.) Azotus, quae supra Asdod, usque hodie non ignobile municipium Palaestinae, et una de quinque civitatibus Allophylorum: decreta quidem tribui Iudae, sed non retenta ab ea, quia nequaquam veteres accolas potuit expellere. |
| 21 | 147 Ascalon, urbs nobilis Palaestinae: quae et ipsa antiquitus una fuit de quinque Satrapiis Allophylorum: separata quidem per sortem tribui Iudae, nec tamen retenta ab ea, quia habitatores eius superare non potuit. |
| 22 | Apheca, terminus Amorrhaeorum super Iordanem in sorte tribus Ruben: sed et usque hodie est castellum grande, Apheca nomine, iuxta Hippum, urbem Palaestinae. |
| 23 | Agad, sita ad radices montis Aermon. |
| 24 | Aemath, urbs quae cecidit in sortem Ruben: sed et nunc Amathus villa dicitur trans Iordanem in vigesimo primo milliario Pellae ad meridiem. |
| 25 | Est et alia villa in vicinia Gadarae nomine Amatha, ubi calidae aquae erumpunt. |
| 26 | In regnorum quoque libris scribitur, Ab introitu Aemath usque ad mare Araba : hoc est, deserti, quod est mare Mortuum. |
| 27 | (Ego autem investigans, reperi Aemath urbem Coelesyriae appellari, quae nunc Graeco sermone Epiphania dicitur.) Ammon, trans Iordanem in tribu Gad. |
| 28 | Haec est Ammam, de qua supra diximus, Philadelphia civitas illustris Arabiae. |
| 29 | Addara, in tribu Iuda, iuxta desertum. |
| 30 | Est quoque et alia villa in finibus Diospoleos circa Thamniticam regionem, quae a Thamna villa usque hodie sic vocatur. |
| 31 | Accarca, vicus in deserto situs in possessione tribus Iudae: pro quo Symmachus interpretatur, pavimentum. |
| 32 | Achor, in tribu Iuda: de qua et supra dictum est. |
| 33 | Adommim, quondam villula, nunc ruinae in sorte tribus Iudae, qui locus usque hodie vocatur Maledomim (et Graece dicitur ἀνάβασις πύῤῥων: Latine autem appellari potest, ascensus ruforum, sive rubentium, propter sanguinem qui illic crebro a latronibus funditur. |
| 34 | Est autem confinium tribus Iudae et Beniamin) descendentibus ab Aelia Ierichum, ubi et castellum militum situm est (ob 150 auxilia viatorum. |
| 35 | Huius cruenti et sanguinarii loci, Dominus quoque in parabola descendentis Ierichum de Hierosolyma, recordatur). |
| 36 | Amam in tribu Iudae. |
| 37 | Aser, in tribu Iudae, appellatur autem et nunc vicus praegrandis pergentibus Ascalonem de Azoto. |
| 38 | Asarsual, in tribu Iudae. |
| 39 | Ain, in tribu Iudae, urbs sacerdotibus separata. |
| 40 | Est et usque hodie villa Bethennim nomine, in secundo lapide a Terebintho (hoc est a tabernaculo Abraham), quatuor millibus a Chebron. |
| 41 | Asthaol, in tribu Iudae: et usque hodie villula vocabulo Astho, inter Azotum et Ascalonem permanet. |
| 42 | Asna, in tribu Iudae. |
| 43 | Adollam, in tribu Iudae: et usque hodie vicus non parvus ad orientem Eleutheropoleos in decimo eius milliario hoc vocatur nomine. |
| 44 | Adithaim, in sorte tribus Iudae. |
| 45 | Dicitur autem et quaedam villula Adia, iuxta Gazam, et alia Aditha, circa Diospolim, quasi ad orientalem plagam respiciens. |
| 46 | Adasa, in tribu Iudae, usque hodie vicus iuxta Guphnas. |
| 47 | (Sed miror quomodo Guphnensem regionem in tribu Iudae posuerit, cum perspicuum sit secundum librum Iesu in sortem eam cecidisse tribus Ephraim.) Ather, in tribu Iudae. |
| 48 | Asan, in tribu Iudae. |
| 49 | Est usque hodie vicus nomine Bethasan ad Aetiam pertinens, in quinto decimo ab ea milliario. |
| 50 | Asena, in tribu Iudae. |
| 51 | Agziph, in tribu Iudae. |
| 52 | Anab, in tribu Iudae: nunc usque vicus 151 in finibus Elcutheropoleos. |
| 53 | Est et alia grandis villa Iudaeorum, nomine Anea, in Daroma, contra australem plagam Chebronis, novem ab ea millibus separata. |
| 54 | Astemoe, in tribu Iudae vicus, et ipse Iudaeorum, in Daroma, ad aquilonem loci Anem. |
| 55 | Anim, in tribu Iudae. |
| 56 | Est vicus Anea, iuxta alterum, de quo supra diximus, ad orientalem plagam respiciens, cunctis habitatoribus Christianis. |
| 57 | Apheca, in tribu Iudae. |
| 58 | Ammata, in tribu Iudae. |
| 59 | Arebba, in tribu Iudae. |
| 60 | Atharoth, iuxta Rammam, in tribu Ioseph. |
| 61 | Atharoth, civitas tribus Ephraim: nunc vicus ad aquilonem Sebastae, in quarto eius milliario, Atharus dicitur. |
| 62 | Adar, civitas tribus Ephraim. |
| 63 | Aser, civitas tribus Manasse: nunc demonstratur villa descendentibus a Neapoli Scythopolim, in decimoquinto lapide iuxta viam publicam. |
| 64 | Atharoth, civitas tribus Beniamin. |
| 65 | Sunt autem duae Atharoth haud procul ab Aelia. |
| 66 | Anathoth, civitas sortis Beniamin sacerdotibus separata, in tertio ab Aelia milliario: de qua et Ieremias Propheta fuit. |
| 67 | Addar, civitas sortis Beniamin. |
| 68 | Aelmon, civitas tribus Beniamin, sacerdotibus separata. |
| 69 | AmecCasis (id est, vallis Casis), in tribu Beniamin. |
| 70 | Avim, in tribu Beniamin. |
| 71 | Aphra, in tribu Beniamin. |
| 72 | Est et hodie vicus Effrem, in quinto milliario Bethelis, ad orientem respiciens. |
| 73 | Amoeniam, in tribu Beniamin. |
| 74 | Aphni, in tribu Beniamin. |
| 75 | . . . . . . Arim, in tribu Beniamin. |
| 76 | Est et villa iuxta Diospolim (quae nunc usque appellatur Betariph). |
| 77 | Amsa, in tribu Beniamin. |
| 78 | Asar, in tribu Symeonis. |
| 79 | Asan, in tribu Symeonis. |
| 80 | 154 Amarchabob, in tribu Symeonis. |
| 81 | Ain, in tribu Iudae, sive Symeonis civitas sacerdotibus separata. |
| 82 | Asenna, in tribu Symeonis. |
| 83 | Amathar, in tribu Zabulon. |
| 84 | Anua, in tribu Zabulon. |
| 85 | Est et alia villa Anua, euntibus de Neapoli Aeliam in decimo milliario. |
| 86 | Ananthon, in tribu Zabulon. |
| 87 | Aschaseluth, civitas tribus Issachar: appellatur autem et quidam vicus Chasalus, iuxta montem Thabor, in campestribus, in octavo milliario Diocaesareae ad orientem respiciens (sicut supra diximus). |
| 88 | Aphraim, civitas tribus Issachar: estque hodie villa Affarea nomine, in sexto milliario Legionis contra septentrionem. |
| 89 | Anerith, in sorte tribus Issachar. |
| 90 | Aemes, in sorte tribus Issachar. |
| 91 | Acsaph, in tribu Aser. |
| 92 | Alimelech, sortis Aser. |
| 93 | Amath, in tribu Aser. |
| 94 | Abdon, in tribu Aser, civitas separata Levitis. |
| 95 | Aniel, in tribu Aser. |
| 96 | Est quaedam villa nomine Betoaenea, in quintodecimo lapide a Caesarea, sita in monte contra orientalem plagam, in qua et lavacra dicuntur esse salubria. |
| 97 | Achran, in tribu Aser. |
| 98 | Amon, in tribu Aser. |
| 99 | 155 Accho, quae nunc Ptolemais appellatur, sortis Aser, de qua habitatores pristinos non quivit expellere. |
| 100 | Achziph, in tribu Aser, in qua alienigenae permanserunt. |
| 101 | Haec est Ecdippa in nono milliario Ptolemaidis pergentibus Tyrum. |
| 102 | Amma, sortis Aser. |
| 103 | Aphec, sortis Aser, in qua habitatores pristini permanserunt. |
| 104 | Addemme, in tribu Nephthalim. |
| 105 | Assemdim, in tribu Nephthalim. |
| 106 | Amath, in tribu Nephthalim. |
| 107 | Adami, in tribu Nephthalim. |
| 108 | Asor, in tribu Nephthalim, quam rex Assyriorum populasse scribitur. |
| 109 | Azanoth, terminus Nephthalim. |
| 110 | Est autem et nunc vicus ad regionem Diocaesareae pertinens in campestribus. |
| 111 | Aialon, urbs sortis Dan, separata Levitis, et est hodie vicus Alus haud procul a Nicopoli. |
| 112 | Sciendumque quod pro Aialon, Septuaginta interpretes ediderunt, Ubi erant ursi. |