monumenta.ch > Gregorius Turonensis > 56
Gregorius Turonensis, Miracula, 7, LV De Victorio Cinomannorum episcopo. <<<     >>> LVII De Bibiano eiusdem urbis episcopo.

Gregorius Turonensis, Miracula, 7, LVI De Martino abbate Sanctonicorum.

1 Martinus Sanctonicae urbis abba, Martini, ut ferunt, nostri discipulus, apud vicum urbis ipsius in monasterium, quod ipse post magistri dogmata aedificavit, in pace quiescit. Ad cuius tumulum quidam e pagensibus manus contractas deferens, retulit sanas. Alius, qui, exustis humoris febre nervis, poplitibus intortis, gressum caruerat, ut ad sepulchrum sanctum prostratus est, novum robore sumens, ariditate sublata, incolomis relevatus est, multos ibi deinceps serviens annos. Huius sepulchrum Palladius episcopus cum non valuisset cum multis, opitulante adiutorio confessoris, cum quinque abbatibus movit conposuitque quod voluit.Gregorius Turonensis HOME