Gregorius Turonensis, Miracula, 07, 4

monumenta.ch > Gregorius Turonensis > 4
Gregorius Turonensis, Miracula, 7, III De sancto Eusebio Vircellins. episcopo. <<< >>> V De eodem, et de sepulchro Vitalinae virginis.

Gregorius Turonensis, Miracula, 7, IV De sancto Martino Toronico episcopo et sepulchro sancti Catiani.

1 Catianum enim episcopum a Romanis episcopis ad urbem Turonicam transmissum primumque Turonicis pontificem datum fama ferente cognovimus. Ad cuius tumulum beatus Martinus, cum ad orationem venisset, post effusas preces, dicto etiam capitello, ait: 'Benedic', inquid, 'mihi, vir Dei'. Haec eo dicente, vox ad eum dilapsa auditur, dicens: 'Tu enim, deprecor, benedicas mihi, serve Domini'. Et data iterum oratione, discessit. Admirabantur autem qui aderant eo tempore et dicebant, eum habitare tunc in Martinum, qui quondam Lazarum vocavit ex monumento.