monumenta.ch > Gregorius Turonensis > 12
Gregorius Turonensis, Miracula, 2, XI De contracto, qui die dominica boves iunxit. <<<     >>> XIII De his qui Theodorici regis tempore basilicam inruperunt.

Gregorius Turonensis, Miracula, 2, XII De Anagildo muto et surdo vel caeco.

1 Sic et Anagildus quidam mutus et surdus et caecus vel omnium membrorum conpagem debilitatus ad limina sacrosancta proiectus est, scilicet ut vel ab stipe pasceretur devotorum, qui victus alimoniam propriis manibus laborare non poterat. Igitur cum per annum integrum ante sanctam aedem decubasset, tandem visitatus a virtute beati martyris, ab omni infirmitate sanatus est.Gregorius Turonensis HOME