monumenta.ch > Gregorius Turonensis > 38
Gregorius Turonensis, Miracula, 1, XXXVII De Crisanto martyre. <<<     >>> XXXIX De Iohanne martyre.

Gregorius Turonensis, Miracula, 1, XXXVIII De Panchrato martyre.

1 Est etiam haud procul ab huius urbis muro et Panchratus martyr valde in periuribus ultor. Ad cuius sepulchrum si cuiusquam mens insana iuramentum inane proferre voluerit, priusquam sepulchrum eius adeat, hoc est, antequam usque ad cancellos, qui sub arcu habentur, ubi clericorum psallentium stare mos est, accedat, statim aut arripitur a daemone aut cadens in pavimento amittit spiritum. Ex hoc enim quisque fidem cuiuscumque rei ab alio voluerit elicere, ut veram cognoscat, non aliter nisi ad huius basilicam destinat. Nam ferunt, plerosque iuxta basilicas apostolorum sive aliorum martyrum commanentes non alibi pro hac necessitate nisi templum expetere beati Panchrati, ut, eius severitatis censura publice discernente, aut veritatem audientes credant, aut pro fallatia iudicium martyris beati experiantur.Gregorius Turonensis HOME
bnf2664.104