monumenta.ch > Gregorius Turonensis > 26
Gregorius Turonensis, Miracula, 1, XXV De eo qui cultrum loci illius furavit. <<<     >>> XXVII De sepulchro et basilica sancti Petri apostoli.

Gregorius Turonensis, Miracula, 1, XXVI De sepulchro Iacobi apostoli.

1 Iacobus apostolus, qui et frater Domini vocitatus est, ab ipso domino nostro Iesu Christo episcopus dicitur ordinatus. Post cuius gloriosam ascensionem, dum viam iustitiae Iudaeis errantibus aperire conatur, de pinna templi praecipitatus, alliditur, effusumque fullonis fuste cerebrum, spiritum reddidit, sepultusque est in monte Oliveti, in memoriam, quam sibi ipse prius fabricaverat, et in qua Zacchariam ac Symeonem sepelierat. Haec de apostolo Iacobo.Gregorius Turonensis HOME