monumenta.ch > Gregorius Turonensis > 14.
Gregorius Turonensis, Libri octo miraculorum, Lib. V, , 13. <<<     >>> 15.

Gregorius Turonensis, Libri octo miraculorum, Lib. V, 14.

1 Retulit alias vir fidelis, spectasse se christiano cum heretico pro fide nostra certante.2 Altercantesque diu de Divinis Scripturis, cum flecti non possit hereticus, ut cognosceret veritatem, ait vir nostrae religionis: 'Si Scripturarum Sacrarum testimonia te ad credendum minime movent, vel virtutem individuae Trinitatis miraculis experire.3 Est digito meo anulus aureus; ego eum in igne iaceo, tu candentem college'.4 Proiectumque inter prunas anulum, ita igniri permisit, ut eis similis cerneretur.5 Conversusque ad hereticum, ait: 'Si vera est prosecutio tua, sume eum ab igne'.6 Illo quoque resistente, ait vir: 'Inmensa Trinitas Deus, si aliquid indignum te credo, ostende.7 Certe, si recta est fides mea, nihil mihi praevaleant haec incendia saeva'.8 Et ablatum ab igne anulum diutissime palma sustenuit, et nihil est nocitus; sed magis, confuso heretico, catholicus reliquam fervore suae fidei roboravit.9 Actenus hinc.Gregorius Turonensis HOME
bbb199.116v