monumenta.ch > Gregorius Turonensis > 46.
Gregorius Turonensis, Libri octo miraculorum, Lib. IV, , 45. <<< >>> 47.
Gregorius Turonensis, Libri octo miraculorum, Lib. IV, 46.
1 Advenerat quidam ex Brittania nomine Paternianus, qui caecus, mutus ac surdus, manibus contractus per quoddam contagium fuerat, et confictis omnibus membris a morbo, soli tantum pedes praebebant homini sustentaculum.2 Patroni praepotentis hic expetiit basilicam, orationem fudit, apertis oculis lucem perditam cernit, manus ad usum pristinum recepit, et se salvatum beati antistitis virtute demirans, sospitatis suae gratiam populis declaravit.3 Ob huius miraculi gratiam a multis munera capit, de quibus nonnullos a iugo captivitatis exemit.
Gregorius Turonensis HOME
bbb199.79v