Gregorius Turonensis, Libri octo miraculorum, p6, p31

monumenta.ch > Gregorius Turonensis > 29.
Gregorius Turonensis, Libri octo miraculorum, Lib. IV, , 28. <<< >>> 30.

Gregorius Turonensis, Libri octo miraculorum, Lib. IV, 29.

1 Venerabilis vero Agnes Pectavarum sanctimonialium abbatissa relatum sibi ab ipso cut contigit Treverico negotiatore, rem miraculi provenisse, sic retulit: 'Dum', inquit, 'Mettis accessissem, appellat me negotiator, unde essem.2 Dixi: „De Pictavis".3 Dicit mihi, si aliquando ad basilicam beati Martini Turonus occurrissem.4 Dixi, quod, quomodo in Austria ambularem, sic ibi me praesentassem.5 Dicit mihi, quale beneficium domni Martini senserat.6 Dum Mettis salem negotiasset et ad pontem Mettis adplicuisset, dicit: „Domne Martine, me et puricellos quos haben et navicellam meam tibi conmendo".7 Inter hoc recubantes in nave, omnes condormivimus.8 Mane excitans me cum puricellis quos mecum habebam, invenimus nos ante portam Trevericam, nescientes, quomodo venissemus, qui nos adhuc Mettis credebamus consistere; qua ratione aut navigatum est aut volatum; sola conmendatione beati Martini nec fluvium sensimus et Mosellae tumescentes undas naufragas evitamus, et, quod satis est, inter saxa nocturno tempore praeterimus incolomes, non nauta vigile, non vento flante, non remo ducente'.