Gregorius Turonensis, Libri octo miraculorum, p6, p24

monumenta.ch > Gregorius Turonensis > 22.
Gregorius Turonensis, Libri octo miraculorum, Lib. IV, , 21. <<< >>> 23.

Gregorius Turonensis, Libri octo miraculorum, Lib. IV, 22.

1 Silluvius incola Baiocassinus, cum in rure positus quiddam operaret, commoto vento, pavore perculsus, tremere coepit ac membris omnibus distitui, vociferare etiam et sibi mortem inminere testabatur.2 Interea concurrentibus vicinis ad spectaculum tale, ipse inter voces et ululatus, contractis nervis, debilitatur ad integre; et non solum ei usus aurium denegatur, verum etiam et ipsum lumen caruit oculorum.3 Post quindecim vero annos, dum in hac infelicitate degeret, ad festivitatem sancti Martini veniens, solidatis membris oculisque receptis, abscessit.