Gregorius Turonensis, Libri octo miraculorum, p6, p19

monumenta.ch > Gregorius Turonensis > 17.
Gregorius Turonensis, Libri octo miraculorum, Lib. IV, , 16. <<< >>> 18.

Gregorius Turonensis, Libri octo miraculorum, Lib. IV, 17.

1 Puerolus parvulus nomine Leodoaldus·, servus cuiusdam Baudeleifi de vico Andecavensi, cui Crovio antiquitas nomen indidit, postquam renatus ex aqua et Spiritu sancto cum reliquis infantibus ludum in platea exercens, ut aetas illa patitur, huc illucque discurreret, subito commotus cum impetu ventus et pulverem elevans, oculos infantis implevit.2 Qui cum caecitate percussus doloribus cruciaretur, apparuit aviae eius vir quidam per somnium: 'Vade', inquit, 'ad basilicam sancti Martini, et recipiet visum puer iste!' Nec morata mulier, fide plena venit ad festivitatem, recepitque inluminatum virtute pontificis nepotem suum.