Gregorius Turonensis, Libri octo miraculorum, p6, p16

monumenta.ch > Gregorius Turonensis > 14.
Gregorius Turonensis, Libri octo miraculorum, Lib. IV, , 13. <<< >>> 15.

Gregorius Turonensis, Libri octo miraculorum, Lib. IV, 14.

1 Baudegisilus quidam ex Andecavensis urbis terreturio, Baudulfi filius, vici Geinensis incola, dum humoris saevi iaculo sauciatur, debilitatus occubuit.2 Isque cum a patre paupere sine operis beneficio pasceretur, ut basilicae sancti Martini limina oscularet, patrem lacrimis obortis efflagitat.3 Qui nec mora in navi positum, quia vehi altera evectione non poterat, ante pedes sancti, id est foris sepulchrum, filium devotus exposuit.4 Qui per dies aliquos orationi vacans et sancti auxilium poscens, amota debilitate, sanitati restituitur; sicque cum genitore domi incolomis restitutus est.