Gregorius Turonensis, Libri octo miraculorum, p5, p51

monumenta.ch > Gregorius Turonensis > 49.
Gregorius Turonensis, Libri octo miraculorum, Lib. III, , 48. <<< >>> 50.

Gregorius Turonensis, Libri octo miraculorum, Lib. III, 49.

1 In hac solemnitate advenit puerolus, oculorum obtutibus clausis, aurium aditibus oppilatis, oris officiis obstructis, manuum usibus perditis, pedum gressibus condemnatis.2 Quid plura? Ita erat omnium membrorum usu praemortuus, ut solo spiritu palpitaret.3 Ut autem locum sanctum attigit, omni prorsus debilitate submota, cum gratiarum actione sanus abscessit.