Gregorius Turonensis, Libri octo miraculorum, p5, p45

monumenta.ch > Gregorius Turonensis > 43.
Gregorius Turonensis, Libri octo miraculorum, Lib. III, , 42. <<< >>> 44.

Gregorius Turonensis, Libri octo miraculorum, Lib. III, 43.

1 Denique dum quadam vice iter ageremus, duo pueri de custodibus equorum aegrotare coeperunt, et unus quidem eorum valitudine, alter disenteria laborabat.2 Utrumque tamen febris valida retenebat, lassatique taliter, ut nec super caballorum dorsa possint inpositi susteneri.3 Extractum pulverem, quod de sepulchro sancti abstuleram capsella, delutum aqua, ipsis haurire praecipio.4 Mox, conpressa febre, restincto dolore, uterquo convaluit.