monumenta.ch > Gregorius Turonensis > 41.
Gregorius Turonensis, Libri octo miraculorum, Lib. III, , 40. <<< >>> 42.
Gregorius Turonensis, Libri octo miraculorum, Lib. III, 41.
1 His diebus puella quaedam iam ex libertis parentibus procreata, a filiis patroni, confracta libertate, ad iugum servitutis addicitur; unde factum est, ut, illa non adquiescente iniustis dominis quicquam operis exercere, catenis et conpedibus vinceretur.2 In qua custodia dum, aliis beatam festivitatem expetentibus, resederet, flens et heiulans, cur non intereseet beatae festivitati, subito trabis, in qua pedes eius artati erant, scinditur, et haec quasi iam libera, nexa quidem catenis, elapsa beatam basilicam expetivit.3 Verum ubi primum pedes eius sacra limina contigerunt, statim confractae catenae caeciderunt a collo eius, et sic incolomitate pariter libertatique donata est.
Gregorius Turonensis HOME
bbb199.70v