Gregorius Turonensis, Libri octo miraculorum, p5, p32

monumenta.ch > Gregorius Turonensis > 30.
Gregorius Turonensis, Libri octo miraculorum, Lib. III, , 29. <<< >>> 31.

Gregorius Turonensis, Libri octo miraculorum, Lib. III, 30.

1 Puerulus quidam ex Albigense, tabescente diversis morbis stomacho, cibum potumque exhorruit.2 Cumque per multos dies in hoc labore cruciaretur, ipsum quoque, quod accipere videbatur, cum gravi reiciebat amaritudine, fide plenus desiderium habuit veniendi ad basilicam beati confessoris.3 In qua per triduum ieiunans et orans, die quarta accipiendi cibi desiderium capit, vinumque ore libans, confortatus est.4 Dehinc gratias agens, sanus abscessit.