Gregorius Turonensis, Libri octo miraculorum, p4, p53

monumenta.ch > Gregorius Turonensis > 51.
Gregorius Turonensis, Libri octo miraculorum, Lib. II, , 50. <<< >>> 52.

Gregorius Turonensis, Libri octo miraculorum, Lib. II, 51.

1 Cum autem morbus ille dissentericus cum occultis pusulis multae attereret civitates, et inter reliqua loca urbs Turonica gravius laboraret, multi, abrasum a beato tumulo pulverem haustum, sanabantur.2 Plerique de oleo, qui inibi habetur, delibuti liberabantur; fuitque nonnullis remedium aqua illa, unde sepulchrum ablutum est ante pascha.3 Igitur, cum multis multa tribuerentur beneficia, vidi unum in desperatione a disenteria iacentem, quem ad basilicam ductum, aliis vigilias celebrantibus, noctem inquietam duxisse; diluculo vero accedens ad tumulum, potato cum vino pulverem, sanus rediit e sepulchro.